घटनेची माहिती मिळताच मोहर्लीचे वनपरिक्षेत्र अधिकारी संतोष थिपे, दुर्गापूर पोलीस स्टेशनचे पोलीस निरीक्षक श्री. शेगावकर व त्यांचे पथक, मानद वन्यजीव रक्षक मुकेश भांदककर तसेच क्षेत्रीय वनकर्मचाऱ्यांनी तात्काळ घटनास्थळी धाव घेतली. पोलीस पंचनामा आणि घटनास्थळाचा पंचनामा पूर्ण केल्यानंतर मृतकाचा मृतदेह शवविच्छेदनासाठी ग्रामीण रुग्णालय, भद्रावती येथे हलविण्यात आला.
वन विभागाकडून मृतकाची आई श्रीमती निरंजना मधुकर मेश्राम यांना तात्काळ आर्थिक मदत मौकेवरच सुपूर्द करण्यात आली. सुरक्षेच्या दृष्टिकोनातून सदर परिसरात कॅमेरा ट्रॅप लावण्यात आले असून, जुनोना परिसरातील नागरिकांना आणि गावकऱ्यांना जंगलात जाताना सतर्क राहण्याचे आवाहन करत जनजागृती मोहीम राबवली जात आहे. या संपूर्ण घटनेचा पुढील तपास वनपरिक्षेत्र अधिकारी मोहर्ली करत आहेत.