तीन दिवसीय १६, १७, १८ डिसेंबर २०२२ रोजी ६८ वे विदर्भ साहित्य संमेलनाचे आयोजन
चंद्रपूर:- चंद्रपूर येथे होणाऱ्या ६८ व्या विदर्भ साहित्य संमेलनाचे स्थळ प्रियदर्शिनी सांस्कृतिक सभागृहाची पाहणी करण्यात आली व विविध समिती कामांचा आढावा घेण्यात आला. यात मंच व्यवस्था पासून तर नोंदणी स्थळाची पाहणी करण्यात आली.
संमेलनाचे उद्घाटन राज्याचे सांस्कृतिक मंत्री सुधीर मुनगंटीवार करतील. यावेळी ६७ वे विदर्भ साहित्य संमेलनाचे पुर्वाध्यक्ष डॉ. म.रा. जोशी, माजी केंद्रीय गृहराज्यमंत्री हंसराज अहीर, आमदार किशोर जोरगेवार, गोंडवाना विद्यापीठाचे कुलगुरु डॉ. प्रशांत बोकारे, डॉ. वेदप्रकाश मिश्रा, डॉ. फिरदौस मिर्जा प्रामुख्याने उपस्थित राहतील.
संमेलन स्थळाची पाहणी करतांना डॉ. किर्तीवर्धन दिक्षित यांचेसह संमेलनाचे संरक्षक प्रशांत पोटदुखे, संमेलन कार्यवाह व सरदार पटेल महाविद्यालयाचे प्राचार्य डॉ. प्रमोद काटकर, विदर्भ साहित्य संघाचे प्रतिनिधी डॉ श्याम मोहरकार, सूर्यांशचे अध्यक्ष इरफान शेख, सचिव प्रदीप देशमुख, विवेक पत्तिवार , गीता देव्हारे - रायपूरे, सुनिल बावणे, सुरेश गारघाटे , स्वप्नील मेश्राम व संमेलन समितीतील अन्य सदस्य उपस्थित होते.