चंद्रपुरात १०० कलावंतांचा "गर्जा महाराष्ट्र" #chandrapur

चंद्रपूर:- स्पार्क जनविकास फाउंडेशन द्वारा चंद्रपुरातील जवळपास १०० कलावंतांनी साकारलेल्या 'गर्जा महाराष्ट्र माझा' या महाराष्ट्राच्या पारंपारिक संस्कृतीवर आधारित नाटकाचा प्रयोग दि. ३० एप्रिलला प्रियदर्शनी इंदिरा गांधी सांस्कृतिक सभागृह चंद्रपूरात पार पडला. जवळपास १००० प्रेक्षकांच्या उपस्थितीत हा प्रयोग यशस्वीपणे पार पडला.

सर्वात छोटी कलाकार मैथिली पोटदुखे म्हणजे चार महिन्याच्या बाळाने वेधले प्रेक्षकांचे लक्ष

लोकमत युवा मंच मध्ये सन २००२ पर्यंत एकत्र काम केलेली तरुणाई तब्बल वीस वर्षानंतर २०२३ मध्ये गडचिरोली येथे स्नेहमिलनाच्या माध्यमातून कुटुंबासह एकत्र आली. सन २००२ मध्ये असणारा तोच उत्साह घेऊन नव्या तरुणाईला साद घालून नव्या कलाकारांना राज्यपातळीवर मंच उपलब्ध करून देण्याचा प्रयत्न म्हणजे 'गर्जा महाराष्ट्र माझा' आहे.

नागसेन खंडारे, दर्शन मेश्राम, नवनाथ कोडापे यांनी वेधले प्रेक्षकांचे लक्ष

स्पार्क जनविकास फाउंडेशनचे संचालक आनंद आंबेकर यांच्या संकल्पनेतून वीस वर्षांपूर्वी साकारलेला गर्जा महाराष्ट्र माझा आज नव्या रूपात नवख्या कलाकारांसह संपूर्ण महाराष्ट्राला महाराष्ट्र संस्कृतीचे दर्शन घडविण्यासाठी सज्ज आहे.

(कु. राधा दोरखंडे हिने वेधले प्रेक्षकांचे लक्ष

महाराष्ट्राचे राहणीमान, महाराष्ट्राची संस्कृती, महाराष्ट्रातील सण, उत्सव, भारुड, फुगडी, गणपती उत्सव, संत परंपरा, शेतकऱ्यांचा सण पोळा, दिवाळी, दसरा, गुढीपाडवा, महाराष्ट्राचे दैवत छत्रपती शिवाजी महाराज यांचा राज्याभिषेक सोहळा यासह महाराष्ट्रात वर्षभर होणाऱ्या पारंपारिक उत्सवांची प्रत्यक्ष अनुभूती अभिनयाच्या माध्यमातून प्रेक्षकांपर्यंत पोहोचवण्याचे काम गर्जा महाराष्ट्र माझा या नाटकाच्या माध्यमातून होत आहे.

       

तृप्ती मुळे, विशाल टेंभुर्णे, गायत्री मुळे या सर्वांनी वेधले प्रेक्षकांचे लक्ष

   महाराष्ट्रातील प्रत्येक बालकांनी, युवक-युवतींनी, प्रौढांनी, वृद्धांनी बघावी अशी ही कलाकृती अवघा महाराष्ट्र गाजवेल यात शंका नाही.

वेदांती भागवत हिने वेधले प्रेक्षकांचे वेधले लक्ष

फोटो....