चंद्रपूर:- एका अभियंत्याने एका व्यक्तीकडून पैसे घेतल्याचा व्हिडिओ व्हायरल झाला होता. या व्हिडिओच्या आधारे जिल्हा परिषदेचे कार्यकारी अभियंता विवेक पेंढे यांना निलंबित करण्यात आले. कार्यालयात सतत गैरहजर राहिल्याने मुख्य कार्यकारी अधिकाऱ्यांनी त्यांना निलंबित केले आणि पुढील कारवाईसाठी सरकारकडे प्रस्ताव पाठवला.
जिल्हा परिषदेतील बांधकाम विभागाचे कार्यकारी अभियंता विवेक पेंढे हे पदभार स्वीकारल्यापासून वादात आहे. अडीच महिन्यांपूर्वी पालकमंत्र्यांच्या अध्यक्षतेखाली झालेल्या जिल्हा नियोजन समितीच्या बैठकीत आमदारांनी त्यांच्या बडतर्फीची मागणी केल्यानंतर, मुख्य कार्यकारी अधिकाऱ्यांनी मध्यममार्ग स्वीकारला आणि त्यांना सक्तीच्या रजेवर पाठवले. मात्र, पेंढे यांनी मॅटमध्ये याचिका दाखल केल्यानंतर, निर्णय त्यांच्या बाजूने आला. आणि काही दिवसांपूर्वी ते कार्यकारी अभियंता या पदावर बसले होते. दरम्यान, ते या महिन्यातच सप्टेंबरमध्ये निवृत्त होणार आहे आणि गेल्या तीन महिन्यांत त्यांच्या सेवेच्या शेवटच्या टप्प्यात त्यांच्यावर कारवाई होण्याची ही दुसरी वेळ आहे.