Bhairav Diwase. Feb 11, 2021
पुणे:- बीड जिल्ह्यातील पुजा चव्हाण 22 वर्षीय तरुणीने पुण्याच्या वानवडीत आत्महत्या केलीये. इमारतीच्या तिसऱ्या मजल्यावरून उडी घेत तिने आपलं आयुष्य संपवलं. रविवारी (7 फेब्रुवारी) रात्री ही घटना घडली. पुजा चव्हाण असं या तरुणीचं नाव आहे. पुजा मुळची बीडमधील परळीची रहिवासी होती. ती मागील महिन्यातच पुण्यात आली होती.
पुजा चव्हाण तिचा चुलत भाऊ आणि एका मित्रासोबत पुण्यात राहत होती. तिचं बीएचं शिक्षण पूर्ण झालं होतं. पुण्यात ती स्पोकन इंग्लिशच्या कोर्ससाठी आली होती. यानंतर पुण्यात येऊन दोनच आठवडे होत नाहीत तोच तिने हे टोकाचं पाऊल उचललं. तिने राहत असलेल्या इमारतीच्या तिसऱ्या मजल्यावरुन उडी मारुन आत्महत्या केली. हॉस्पिटलमध्ये नेत असतानाच तिचा जीव गेला. तिच्या डोक्याला आणि मनक्याला गंभीर दुखापत झाली होती.
परळीची तरुणी, पुण्यात आत्महत्या, विदर्भातल्या मंत्र्याचं कनेक्शन?
पुजाने आत्महत्या का केली? याचं कारण अद्याप समजलेलं नाही. वानवडी पोलीस या प्रकरणाचा तपास घेत आहेत. तरुणीकडे कोणतीही सुसाईड नोटही सापडलेली नाही. त्यामुळे अनेक शंका उपस्थित होत आहेत. नागरिकांमधून ही आत्महत्या आहे की हत्या याबाबत अनेक तर्कवितर्क लावले जात आहेत.
टिप्पणी पोस्ट करा