मुंबई:- भाजपने मुख्यमंत्रीपदी देवेंद्र फडणवीसांचं नाव जवळपास निश्चित केलं आहे. भाजपच्या केंद्रीय निरीक्षकांच्या उपस्थितीत कोअर कमिटीची बैठक संपन्न झाली. या बैठकीमध्ये देवेंद्र फडणवीसांचं नाव विधीमंडळ गटनेता म्हणून निश्चित झालं आहे. त्यामुळे उद्या, गुरुवारी राज्याचे नवीन मुख्यमंत्री म्हणून देवेंद्र फडणवीस शपथ घेतील.
भाजपची कोर कमिटीची बैठक संपली आहे. निर्मला सीतारमण यांच्या उपस्थितीत ही बैठक पार पडली. विधिमंडळ नेत्यांच्या बैठकीला पार पडली. याच बैठकीत गटनेता म्हणून फडणवीसांची निवड करण्यात आली आहे. विधीमंडळ नेत्यांच्या बैठकीत गटनेता पदी फडणवीस यांची निवडीची घोषणा केली आहे. भाजपच्या विधीमंडळ पक्षाच्या बैठकीचे सूत्रसंचालन रणधीर सावरकर केले. भाजपच्या गटनेत्याचा प्रस्ताव सुधीर मुनगंटीवार आणि चंद्रकांत पाटील यांनी मांडला. तर पंकजा मुंडे, आशिष शेलार, रविंद्र चव्हाण, प्रविण दरेकर व इतर आमदारांनी प्रस्तावाला अनुमोदन दिले.