पोंभुर्णा:- पोंभुर्णा येथे कटर मशीन चोरी प्रकरणाचा पोलिसांनी छडा लावला आहे. स्थानिक गुन्हे शाखा, चंद्रपूर आणि पोंभुर्णा पोलिसांनी संयुक्त कारवाई करत या प्रकरणातील चार संशयित आरोपींना ताब्यात घेतले आहे. त्यांच्याकडून तब्बल ५० हजार रुपये किमतीचा चोरीचा मुद्देमाल हस्तगत करण्यात आला आहे.
चंद्रपूर जिल्ह्यातील पोंभुर्णा येथे कटर मशीन चोरीच्या प्रकरणात पोलिसांना महत्त्वाचे यश मिळाले आहे. दिनांक २७ ऑक्टोबर २०२६ रोजी पोलीस स्टेशन पोंभुर्णा येथे अपराध क्रमांक १८४/२६, कलम ३०३(२) भारतीय न्याय संहिता अर्थात बीएनएस अंतर्गत गुन्हा दाखल करण्यात आला होता.
या गुन्ह्यातील आरोपींचा आणि चोरीस गेलेल्या मुद्देमालाचा शोध घेण्यासाठी पोलीस पथक पेट्रोलिंग करत होते. याचदरम्यान स्थानिक गुन्हे शाखा, चंद्रपूर आणि पोंभुर्णा पोलिसांनी संयुक्तपणे कारवाई केली.
या कारवाईदरम्यान पोलिसांनी चार संशयितांना ताब्यात घेतले. पोलिसांच्या चौकशीत त्यांनी गुन्ह्यातील सहभागाची कबुली दिल्याचे सांगण्यात आले आहे. त्यांच्याकडून चोरीस गेलेली कटर मशीन, अंदाजे ५० हजार रुपये किमतीचा मुद्देमाल, हस्तगत करण्यात आला आहे.
या प्रकरणात ताब्यात घेण्यात आलेल्या आरोपींची नावे पुढीलप्रमाणे आहेत.
१. प्रमोद श्रीनिवास तोरे, वय ३० वर्षे, रा. चिंतलधाबा, तालुका पोंभुर्णा, जिल्हा चंद्रपूर.
२. चंद्रशेखर विठ्ठल कुळमेथे, वय ३६ वर्षे, रा. केमारा, तालुका पोंभुर्णा, जिल्हा चंद्रपूर.
३. राजकुमार घुंगरू मरसकोल्हे, वय ३६ वर्षे, रा. पोंभुर्णा, जिल्हा चंद्रपूर.
४. सचिन दामोदर पेंदोर, वय ३८ वर्षे, रा. पोंभुर्णा, जिल्हा चंद्रपूर.
ही कारवाई उपविभाग मूल, स्थानिक गुन्हे शाखा, चंद्रपूर आणि पोलीस स्टेशन पोंभुर्णा यांच्या संयुक्त पथकाने केली. कटर मशीन चोरी प्रकरणाचा छडा लावत ५० हजार रुपये किमतीचा मुद्देमाल हस्तगत करण्यात पोलिसांना यश आले आहे. या प्रकरणाचा पुढील तपास पोलीस करत आहेत.