Bhairav Diwase. Oct 23, 2020
(आधार न्यूज नेटवर्क शहर प्रतिनिधी) पंकज रामटेके, घुग्घुस, चंद्रपुर
चंद्रपूर:- आरोपी रोहित बुद्धराज कश्यप (१९) रा. वार्ड क्र.३ घुग्गुस हा गुरवारला सकाळ दरम्यान घुग्गुस सराफा बाजार परिसरात त्याच्या जवळील चोरीचे सोन्याचांदीचे दागिने विकण्याच्या उद्देशाने फिरत असल्याची गुप्त माहिती चंद्रपूर स्थानिक गुन्हे शाखेला मिळताच सापळा रचुन अटक करण्यात आली.
आरोपीची पोलिसांनी अंग झडती घेतली असता एकुण ३ लाख ६२ हजार ५२० रुपयांचे सोन्याचांदीचे दागिने आढळुन आले मुद्देमाल जप्त करुन आरोपीस अटक करण्यात आली.
पोलिसांनी आरोपीची कसुन चौकशी केली असता एक महिण्यापुर्वी घुग्गुस येथील इंडेन गँस एजन्सी जवळील एक घराची घरफोडी केल्याची कबुली दिली. दिनांक १५/०९/२०२० ला घुग्गुस पोलीस ठाण्यात कलम ४५४, ४५७,३८० गुन्हा दाखल आहे.
आरोपीची इतर गुन्ह्याबाबत चौकशी केली असता ७ ते ८ महिण्यापुर्वी एका घरा समोरुन बजाज पल्सर काळ्या रंगाची चोरीस गेली होती परंतु पोलीस पकडतील या भितीने आरोपीने दुचाकीची नंबर प्लेट काढुन फेकून दिली व चेचीस नंबर व इंजीन नंबर खोडुन दुचाकी काही दिवस चालवली. ही दुचाकी स्वत:च्या घरी लपवून ठेवल्याची कबुली देताच ति दुचाकी किंमत ५०,००० रुपये जप्त करण्यात आली आहे.
हि कारवाही चंद्रपूर स्थानिक गुन्हे शाखेचे पो.नि.ओमप्रकाश कोकाटे यांच्या मार्गदर्शनात सह.पो.नि.जितेंद्र बोबडे, प्रशांत नागोसे, गोपाल अतकुलवार, शेखर आसुटकर, संजय अतकुलवार, धनराज करकाडे, रविंद्र पंधरे, अमोल धंदरे व महात्मे यांनी केली आहे.