रोजगार हमी योजनेअंतर्गत झाले काम.
पोंभूर्णा:- पोंभूर्णा तालुक्यातील आष्टा ग्रामपंचायतीतील सोनापूर गावात रोजगार हमी योजनेअंतर्गत मामा तलावाच्या काठावर विविध वृक्षाची लागवड करून वृक्षाचे बन फुलले आहे. #Pombhurna #Sonapur
तळ्याच्या पारीवर तलावाची गाळ टाकली असल्याने वृक्ष वाढ झपाट्याने होत आहे. तालुक्यात या वृक्ष संगोपनाची चर्चा असून अनेक लोकं या कामाला भेट देत आहेत.
कामाचे नियोजन व वृक्ष संवर्धनाचे काम पाहण्यासाठी तहसिलदार डॉ. निलेश खटके, पंचायत समिती सभापती अल्का आत्राम, गट विकास अधिकारी सुनीता मरस्कोले, रोजगार हमीचे सहाय्यक कार्यक्रम अधिकारी हेमंत येरमे, तांत्रीक सहाय्यक सतीश वाढई यांनी भेट दिली. यावेळी आष्टा ग्रामपंचायतच्या सरपंचा किरणताई डाखरे, रोजगार सेवक सुरेश दिवसे उपस्थित होते.