दोन दुचाकींची समोरासमोर धडक: दोन व्यक्ती गंभीर जखमी #chandrapur #wardha #accident

वर्धा:- समुद्रपुर तालुक्यातील जाम समुद्रपुर मार्गावरील रेनकापुर येथे दोन दुचाकीची समोरासमोर धडक झाली. या अपघातात दोन दुचाकी गंभीर जखमी झाले असून जखमींना उपचारासाठी सेवाग्राम रुग्णालयात हलविण्यात आले आहे.

सोमवारी ३ एप्रिलला सायंकाळी ७.३० वाजताच्या सुमारास आरंभा येथील रहिवासी अखिल कन्नाके आपल्या दुचाकी क्रमांक MH 32 AD 6939 ने जात असताना चंद्रपूर जिल्ह्यातील नागभीड येथील रहिवासी प्रवीण वारके यांची दुचाकी क्रमांक M H 34 AY 9664 ची रेनकापुर येथे समोरासमोर जबर धडक झाली. या अपघातात प्रवीण वारके व अखिल कन्नाके हे दोघेही गंभीर जखमी झाले.

दोन्ही जखमींना उपचारासाठी समुद्रपुर येथिल ग्रामीण रुग्णालयात दाखल करण्यात आले. मात्र दोघांची प्रकृती गंभीर असल्याने त्यांना पुढील उपचारासाठी सेवाग्राम रुग्णालयात हलविण्यात आले.