चंद्रपूर:- ‘हर घर तिरंगा’ अर्थात ‘घरोघरी तिरंगा’ अभियान अंतर्गत येथील सरदार पटेल महाविद्यालयात चंद्रपूर राष्ट्रीय सेवा योजना विभाग आणि राष्ट्रीय छात्र सेना विभागाद्वारे आयोजीत करण्यात आलेल्या ‘तिरंगा ध्वज रॅलीला उत्स्फूर्त प्रतिसाद मिळाला. मोठ्या संख्येने विद्यार्थी, प्राध्यापक या रॅलीत सहभागी झाले होते. दरम्यान ‘तिरंगा रॅली’ अंतर्गत महापुरुषांचा पुतळा स्वच्छता अभियान देखील यावेळी राबविण्यात आले.
‘हर घर तिरंगा’ कार्यक्रमात महाराष्ट्र शासनाच्या आदेशानुसार महाविद्यालयाच्या इमारतीवर प्राचार्य डॉ. पी.एम. काटकर यांच्या हस्ते झेंडा फडकविण्यात आला. यावेळी सर्वांना तिरंगा प्रतिज्ञा देण्यात आली. त्यानंतर ‘तिरंगा रॅली’ काढण्यात आली. रॅलीच्या मार्गावर महात्मा गांधीजी, डॉ. बाबासाहेब आंबेडकर, स्वर्गीय राजे विश्वेश्वरराव महाराज, बॅरिस्टर राजाभाऊ खोब्रागडे, सरदार वल्लभाई पटेल, मनोहर भाई पटेल यांच्या प्रतिमेला स्वच्छ करून माल्यार्पण करण्यात आले.
या कार्यक्रमात महाविद्यालयाचे प्राचार्य डॉ. पी. एम. काटकर, उपप्राचार्य डॉ. स्वप्नील माधमशेट्टीवार,’ एनसीसीचे प्रमुख कॅप्टन डॉ. सतीश कन्नाके, शारीरिक शिक्षण व क्रीडा विभागचे संचालिका डॉ. पुष्पांजली कांबळे, राष्ट्रीय सेवा योजना कार्यक्रम अधिकारी डॉ. कुलदीप आर गोड, डॉ. उषा खंडाळे, डॉ. वंदना खनके डॉ. पुरुषोत्तम माहोरे, डॉ. निखिल देशमुख, डॉ. राजकुमार बिरादार, प्रा. कांचन रामटेके, डॉ. रामनरेश सिसोदिया, प्रा. सोहम कोल्हे, प्राध्यापकवृंद, शिक्षकेतर कर्मचारी, रसेयोचे स्वयंसेवक, एनसीसीचे कॅडेट, विद्यार्थी मोठ्या संख्येने उपस्थित होते.
भारतीय स्वातंत्र्याच्या जाज्ज्वल्य आठवणींना उजाळा देऊन शहिदांचे स्मरण झालेच पाहिजे. त्यासाठी ‘हर घर तिरंगा’ अभियान हा केवळ एक उपक्रम न समजता राष्ट्रभक्तीचे प्रतिक समजून काम करा असे आवाहन यावेळी प्राचार्य डॉ. पी. एम. काटकर यांनी केले.
सर्वोदय शिक्षण मंडळाचे अध्यक्ष अरविंद सावकार पोरेड्डीवार, कार्याध्यक्ष आ.किशोर जोरगेवार ,उपाध्यक्ष सुदर्शन निमकर, सगुणा तलांडी, सचिव प्रशांत पोटदुखे, सहसचिव कीर्तीवर्धन दीक्षित,कोषाध्यक्ष संदीप गड्डमवार, सर्वोदय शिक्षण मंडळाचे कार्यकारी सदस्य राकेश पटेल, सुरेश पोटदुखे, चंद्रशेखर वाडेगावकर, जीनेश पटेल यांनी या उपरोक्त उपक्रमाबद्दल शुभेच्छा दिल्यात.