चंद्रपूर:- गोंडवाना विद्यापीठस्तरीय आंतर महाविद्यालयीन मुलींच्या बुद्धिबळ स्पर्धेत सरदार पटेल महाविद्यालच्या संघाने अजिंक्यपद पटकाविले आहे.
गोंडवाना विद्यापीठस्तरीय आंतर महाविद्यालयीन बुद्धिबळ स्पर्धा चंद्रपूर येथील एफ. ई. एस. महिला महाविद्यालयात आयोजित करण्यात आली होती. स्पर्धेकरिता चंद्रपूर व गडचिरोली परीक्षेत्रातील विविध महाविद्यालयांच्या संघानी सहभाग घेतला. या बुद्धिबळ स्पर्धेत सरदार पटेल महाविद्यालयाच्या मुलींच्या संघाने अजिंक्यपद पटकाविले. विजयश्री खेचून आणण्याकरिता मुलींच्या संघात कु. श्रुती पवार, कु. प्रिन्सेस दासरी, कु. प्रीती यादव, कु. अपर्णा यादव आणि कु. रुचिता केसकर यांनी आपल्या सुरेख खेळ, रणनीती व कौशल्याचे प्रदर्शन केले. तर दुसरीकडे या स्पर्धेत मुलांच्या संघाने तृतीय क्रमांक पटकाविले तृतीय क्रमांक खेचून आणण्याकरिता सुगत मून , अमित पाटील, रोशन चौधरी, सुमित गिरडकर आणि हितेंद्र सरकार यांनीही सुरेख चाल खेळली.
दरम्यान संघाच्या या यशाबद्दल सर्वोदय शिक्षण मंडळाचे अध्यक्ष अरविंद सावकार पोरेड्डीवार, कार्याध्यक्ष आ. किशोर जोरगेवार, उपाध्यक्ष सुदर्शन निमकर, सगुणा तलांडी, सचिव प्रशांत पोटदुखे, सहसचिव कीर्तीवर्धन दीक्षित, कोषाध्यक्ष संदीप गड्डमवार, सर्वोदय शिक्षण मंडळाचे कार्यकारी सदस्य राकेश पटेल, सुरेश पोटदुखे, चंद्रशेखर वाडेगावकर, जीनेश पटेल, महाविद्यालयाचे प्राचार्य डॉ. पी. एम. काटकर, उपप्राचार्य डॉ. स्वप्नील माधमशेट्टीवार, प्रभारी प्रबंधक विनोद चोपावर, शा. शि. विभाग प्रमुख डॉ. कुलदीप आर. गोंड, डॉ. पुष्पांजली कांबळे, निलेश बन्नेवार, कु. नागू कोडापे, हनुमंतू डोंबारे, प्राध्यापकवृंद व शिक्षकेतर कर्मचाऱ्यांनी अभिनंदन केले.