नागपूर:- State Youth Congress महाराष्ट्र प्रदेश युवक काँग्रेसचे पदाधिकार्‍यावर सोपविलेली जबाबदारी पार पाडण्यात ते अपयश ठरल्याचा ठपका ठेवत प्रदेश काँग्रेस श्रेष्ठीने माजी मंत्री विजय वडेट्टीवार यांची सुपुत्री शिवानी वडेट्टीवार, आ. ठाकरे यांचे सुपूत्र केतन ठाकरे आणि अभिषेक धवड यांसह ६० पदाधिकार्‍यांना युवक काँग्रेसमधूम पदमुक्त केले. पक्षातील या भूकंपामुळे एकच खळबळ उडाली आहे.
प्रदेश युवक काँग्रेसने रविवारी नागपुरात आंदोलन केले आहे. मात्र, हे आंदोलन अपयशी ठरले. याची गंभीर दखल काँग्रेस श्रेष्ठींनी घेतली. प्रदेश युवक काँग्रेसचे प्रभारी अजय छिकारा आणि सहप्रभारी रोहित यांनी यासंदर्भातील पत्र काढले आहे. त्यानुसार यासंदर्भातील संघटनेने दिलेले काम जबाबदारीपूर्वक पार पाडण्यात अपयशी ठरल्याने पदमुक्त करण्यात असल्याचे म्हटले आहे. पदमुक्त करण्यात आलेल्यांमध्ये प्रदेश उपाध्यक्ष, सरचिटणीस, सचिव यांचा समावेश आहे. तसेच नागपूर ग्रामीणचे जिल्हाध्यक्ष, पूर्व नागपूर विधानसभा अध्यक्ष, सावनेर, कामठी, काटोल, हिंगणा, उमरेड विधानसभा युवक काँग्रेस अध्यक्षांचा समावेश अशाप्रकारे अचानक पदमुक्त करण्यात आल्याने युवक काँग्रेसमध्ये खळबळ उडाली आहे. पदमुक्त झालेल्यांमध्ये उपाध्यक्ष तनवीर विद्रोही, सरचिटणीस शिवानी वडेट्टीवार, सरचिटणीस केतन ठाकरे, सचिव अक्षय हेटे यांच्या समावेश आहे.
State Youth Congress युवक काँग्रेसचे राष्ट्रीय अध्यक्ष उदय भानू चिब आणि प्रदेश अध्यक्ष कुणाल राऊत यांच्या नेतृत्वाखाली रविवारी महाल येथील संघ मुख्यालयावर निषेध मोर्चा काढण्यात रविवारी महालच्या देवडीया काँग्रेस भवन येथून युवक काँग्रेसने आंदोलनाला सुरुवात केली. आंदोलक संघ मुख्यालयाकडे जात असताना पोलिसांनी त्यांना चिटणवीस पार्कजवळ अडवले. तसेच आंदोलन थांबवण्याच्या सूचना दिल्या. मात्र, आंदोलक आक्रमक झाल्याने पोलिसांनी त्यांना ताब्यात घेतले. या आंदोलनात युवक काँग्रेसचे राष्ट्रीय अध्यक्ष उदय भानू चिब सहभागी झाले. मात्र, शिवानी वडेट्टीवार, केतन ठाकरे, अभिषेक धवड, अभय हेटे तसेच अनेक पदाधिकारी सहभागी झाले नव्हते. त्यामुळे आंदोलनाच्या दुसर्‍याच दिवशी प्रदेश युवक काँग्रेसने तब्बल ६० पदाधिकार्‍यांना जबाबदारी मुक्त केले आहे..