भाजपा तर्फे मृतकाच्या कुटूंबीयांना अर्थसहाय्य.
मुख्यमंत्री सहायता निधीतुन 10 लाख रुपयांचे अर्थसहाय्य मिळण्याची आ. मुनगंटीवार यांची मागणी.
Bhairav Diwase. June 16, 2020
चंद्रपूर:- दिनांक 15 जुन 2020 रोजी समतानगर (उर्जानगर) येथील सलुन व्यवसायीक स्वप्नील चौधरी यांनी आर्थिक विवंचनेला कंटाळुन आत्महत्या केल्याची घटना घडली. माजी अर्थमंत्री आ. सुधीर मुनगंटीवार यांनी भाजपा पदाधिका-यांसह स्वप्नील चौधरी यांच्या कुटूंबीयांची भेट घेत त्यांचे सांत्वन केले. यावेळी भारतीय जनता पार्टी तर्फे मृतकाच्या कुटूंबीयांना अर्थसहाय्य प्रदान करण्यात आले.
यावेळी भाजपाचे जिल्हा सरचिटणीस देवराव भोंगळे, भाजपा नेते रामपाल सिंह, उपमहापौर राहुल पावडे, जि.प. सदस्या वनिता आसुटकर, नामदेवराव आसुटकर, भाजपा तालुका अध्यक्ष हनुमान काकडे, अतुल पोहाणे, नाभीक समाजाचे रविंद्र येसेकर, गजानन चौधरी, रवी हनुमंते, देवानंद वाटकर, पुरुषोत्तम किर्तने, राजु कडवे यांची प्रामुख्याने उपस्थिती होती.