लज्जास्पद प्रकार.
गडचांदूरच्या ग्रामीण रुग्णालयात पोस्टमार्टम साठी स्विपर ने घेतले 2500 रूपये.
Bhairav Diwase. Sep 13, 2020
(आधार न्यूज नेटवर्क तालुका प्रतिनिधी) सतीश बिडकर कोरपना
कोरपना:- कोरपना तालुक्यातील गडचांदूर शहर औद्योगिक शहर म्हणून ओळखले जाते. मागील काही दिवसांपासून गडचांदूर नगर प्रशासन आपल्या भ्रष्टाचारामुळे चर्चेत आला आहे. नुकतेच गडचांदूरच्या ग्रामीण रुग्णालयात एका मृतकाच्या नातेवाईकांकडून पोस्टमार्टम करण्यासाठी अडीच हजार रुपये घेतल्याचे प्रकरण उघडकीस आले आहे. अत्यंत लज्जास्पद असलेला प्रकार असून यावर विविध प्रतिक्रिया गडचांदूर शहरांमध्ये उमटत आहे.
*स्विपरवर कडक कारवाई करणार - डॉ. गेडाम*
महत्त्वाचे म्हणजे डॉ. गेडाम हे सद्यस्थितीत गडचांदूर येथे नसून ते नागपूर येथे काही कामानिमित्त गेलेले आहेत असेही यावेळी सांगण्यात आले. भ्रमणध्वनीवरून डॉ. गेडाम यांच्याशी यासंदर्भात चर्चा केली असता सदर प्रकाराची आपल्याला डॉ. हिरादेवी यांनी कल्पना दिली असून असले प्रकार चुकीचे आहे. कोणतेही पैसे देण्याची कुणालाही आवश्यकता नाही. त्या स्वीपर वर कठोर कारवाई करण्यात येणार असल्याची प्रतिक्रिया आधार न्यूज नेटवर्कच्या प्रतिनिधींना दिली.
सविस्तर वृत्त असे की, गडचांदुर पासून हिरे बोरगाव या ठिकाणचे श्रीकांत शामराव बोबडे यांचा दिनांक 10 रोजी सर्पदंशाने मृत्यू झाला. मृतांचे शव गडचांदूर च्या ग्रामीण रुग्णालयात पोस्टमार्टम साठी हलविण्यात आले. मृतकाच्या नातेवाईकांकडून गडचांदूर ग्रामीण रुग्णालयातील स्वीपर सुमित लोखंडे यांनी अडीच हजार रुपये उकळण्याचा लज्जास्पद प्रकार याठिकाणी घडला. गडचांदुर येथून काही समाजसेवकांनी यावर आक्षेप घेतला. परंतु आरोग्य व्यवस्थेचे वाभाडे काढणाऱ्या या प्रकरणात ग्रामीण रूग्णालयाच्या स्विपर ने मात्र रूग्णाच्या नातेवाईकांकडून ती रक्कम हडपली. यामुळे असंतोष पसरला यासंदर्भात यावेळी रुग्णालयात हजर असलेले डॉ. महेश हिरादेवे यांच्याशी यासंदर्भात बातचीत केली असता त्यांनी असला प्रकार घडल्याची कल्पना नसल्याचे सांगितले. यासंदर्भात डॉक्टर गेडाम यांच्याशी चर्चा करण्याच्या सल्लाही संबंधित पत्रकाराला दिला. याबाबत स्लीपर सुमित लोखंडे याला विचारपूस केली असता चुकी झाली अशी चुकी दुसऱ्यांदा होणार नाही, असे आधार न्यूज नेटवर्कच्या प्रतिनिधीशी बोलतांना आपली चुकी कबुल केली. या संदर्भात काही समाजसेवकांची बातचीत केली असता गडचांदूर ग्रामीण रूग्णालयातील हा रोजचाच प्रकार असल्याचे त्यांनी सांगितले.