महामहिम राज्यपाल मा. भगतसिंग जी कोशारी यांची भेट घेऊन केली विकास कामांबाबत चर्चा.
Bhairav Diwase. Oct 19, 2020
यावेळी खासदार अशोक नेते यांनी महामहिम राज्यपाल याना विविध मागण्यांचे निवेदन दिले व लोकसभा क्षेत्रांतील तथा जिल्ह्यातील रेतीघाट सुरू करण्यासाठी तसेच रखडलेल्या कामांसाठी वनविभागाची परवानगी मिळण्यासाठी राज्य शासनास उचित निर्देश त्वरित देण्याची मागणी रेटून धरली. तसेच गडचिरोली जिल्ह्यात मेडिकल कॉलेज मंजूर होण्याच्या हालचाली केंद्रात सुरू असून याबाबतचा प्रस्ताव राज्य शासनाने केंद्र शासनाकडे पाठवायचा आहे मात्र यात दिरंगाई होत असल्याने सदर प्रस्ताव तात्काळ पाठविण्याचे निर्देश आपण राज्य शासनास द्यावे अशी मागणीही खासदार अशोक नेते यांनी राज्यपालांकडे केली.
यावेळी महामहिम राज्यपाल महोदयांनी गडचिरोली जिल्हा हा शेवटच्या टोकावरील जिल्हा असून आदिवासी बहुल, नक्षलग्रस्त व आकांशीत जिल्हा आहे. त्यामुळे या जिल्ह्याकडे आपले विशेष लक्ष राहणार असून विकासासाठी जिल्ह्याला विशेष निधी उपलब्ध करून दिला जाईल तसेच रखडलेली विकास कामे व प्रकल्प यथाशिग्र पूर्ण होतील असे आश्वासन राज्यपाल महोदयांनी खासदार अशोक नेते यांना दिले.