जिल्हा परिषदेचे माजी कृषी व पशुसंवर्धन सभापती सुनील उरकुडे यांच्या हस्ते भूमिपूजन
भाजयुमो जिल्हा उपाध्यक्ष आशिष ताजने यांच्या अथक पाठपुराव्याला यश
(आधार न्युज नेटवर्क ग्रामीण प्रतिनिधी) मुबारक शेख, कोरपना
कोरपना:- कोरपना तालुक्यातील मौजा नारंडा येथे पशुवैद्यकीय रुग्णालयाच्या इमारतीचे भूमिपूजन जिल्हा परिषदेचे माजी कृषी व पशुसंवर्धन सभापती सुनील उरकुडे यांच्या हस्ते संपन्न झाले.सदर पशुवैद्यकीय रुग्णालयाच्या इमारतीकरीता १ कोटी रुपये निधी मंजूर झाला असून याकरीता भारतीय जनता युवा मोर्चाचे जिल्हा उपाध्यक्ष आशिष ताजने यांच्या अथक पाठपुरव्याला यश आले आहे.
यावेळी नारंडा येथे सदर पशुवैद्यकीय रुग्णालयाच्या इमारतीचे भूमिपूजन झाले,यावेळी जिल्हा परिषदेचे माजी कृषी व पशुसंवर्धन सभापती सुनील उरकुडे,भाजयुमो जिल्हा उपाध्यक्ष आशिष ताजने,नारंडा ग्रामपंचायतच्या सरपंच अनुताई ताजने,उपसरपंच बाळा पावडे,आदर्श शिक्षण प्रसारक मंडळाचे प्रशासकीय अधिकारी कोंडलकर सर,माजी सरपंच वसंतराव ताजने, पोलीस पाटील नरेश परसुटकर,मुख्याध्यापक गुरूमुखी सर,माजी उपसरपंच अनिल शेंडे,ग्रामपंचायत सदस्य बापूराव सिडाम,अनिल मालेकर,नागोबा पाटील उरकुडे,मारोती शेंडे,भिकाजी घुगुल,सुभाष पाटील डवरे,विनोद तिखट उपस्थित होते.