शांताराम पोटदुखे विधी महाविद्यालय तुकूम, चंद्रपुर च्या कंपाउंड प्रवेशव्दारासमोरील नालीवरचा पडलेला स्लॅब बांधुण पुर्ण करण्याची अभाविपची मागणी #chandrapur

चंद्रपूर:- शहरातील नामांकीत शांताराम पोटदुखे विधी महाविद्यालय तुकूम, चंद्रपुर हे गोंडवाना विद्यापीठातील एकमेव विधी महाविद्यालय त्यामुळे कायद्याच शिक्षण घेणाऱ्या विद्यार्थ्यांना ज्ञानार्जनाच एकमेव केंद्र झाल आहे. या महाविद्यालयात चंद्रपुर जिल्ह्या शिवाय गडचिरोली, यवतमाळ, वर्धा, भंडारा व लगतच्या इतर जिल्ह्यातुन सुध्दा शिक्षणासाठी येतात. महाविद्यालयात ये-जा करणाऱ्या मुख्य रस्याापवर नाली आहे, त्या नालीवरचा स्लॅब अर्धा पडलेला आहे त्यामुळे पायी व वाहनाने येणेजाणे करणाऱ्या विद्यार्थ्यांना तसेच समान्य नागरिकांना त्याचा नाहक त्रास सहन करावा लागत आहे.

पावसाळ्याला सुरूवात झाली आहे. नाली पाण्याने तुडुंब भरत आहे अशा स्थिती मध्ये अपघात होण्याची शक्यता असल्यामुळे अभाविप कार्यकर्ते तसेच विद्यार्थ्यांनी महाविद्यालय प्रशासनाला याबाबत तोंडी तक्रार केली त्यावेळी संबंधीत विभागाला महाविद्यालयांकडून तक्रार केली असुन, अनेक दिवसे लोटुनही अद्याप कार्यवाही झालेली नाही अस सांगण्यात आले. खुप दिवसे लोटुनही समस्या न सुटल्याने अखिल भारतीय विद्यार्थी परिषद चंद्रपुर महानगर च्या वतीने सार्वजनिक बांधकाम विभाग महानगरपालिका चंद्रपुरचे उपआयुक्त यांना निवेदन देण्यात आले व त्वरीत कार्यवाही करण्याची मागणी करण्यात आली अन्यथा तीव्र आंदोलन करण्यात येईल असा इशारा निवेदनाच्या माध्यामातुन देण्यात आला.

यावेळी प्रांत कार्यकारीणी सदस्य शैलेश दिंडेवार, महानगर महाविद्यालय प्रमुख रोहीत खेडेकर, महानगर महाविद्यालय सहप्रमुख कमलेश सहारे, सोशल मीडीया प्रमुख पियुष बनकर, सोशल मिडीया सहप्रमुख केतन बोकारे, सुमित रायपुरे, वेदांत साकुरे, हर्ष उरकुंदे आदी उपस्थित होते.