वरोरा:- वरोरा शहरातील रत्नमाला चौकात नाकाबंदी केली होती, त्यावेळी संशयित बलेनो चारचाकी वाहन क्रमांक MH 34 BR 8593 ला पोलिसांनी चौकशीसाठी थांबविले असता वाहनातून देशी बनावटीची पिस्तूल व 2 जिवंत काडतुसे जप्त करण्यात आली.
या प्रकरणी पुनमचंद येलय्या मारकरी (34) व अभिलाष ओंदेलू पंचल (30) दोघे माजरी येथील रहिवासी असून या दोघांना अटक करण्यात आली आहे. त्यांनी ती पिस्टल कोणत्या उद्देशाने आणली याबाबत वरोरा पोलीस तपास करीत आहेत. दोन्ही आरोपींकडून एकूण 5 लाख 26 हजार रुपयांचा मुद्देमाल जप्त करण्यात आला.
सदर यशस्वी कारवाई पोलीस उपविभागीय अधिकारी आयुष नोपाणी, सपोनि राजकीरण मडावी, गुरनुले, जुमडे, अनिल बैठा, प्रवीण निकोडे यांनी पार पाडली.