पोंभुर्णा:- पोंभुर्णा तालुका चिंतलधाबा येथील जि. प. शाळेजवळच असलेल्या रिध्दी कंप्युटर आणि आपले सरकार सेवा केंद्र या दुकानाला शॉर्टसर्किट मुळे आग लागली. हि आग आज दुपारच्या सुमारास लागली असून अडीच लाख रुपयांचे नुकसान झाले.
प्रशांत मंडरे यांचे रिध्दी कंप्युटर तर गणेश मिलमीले यांचे आपले सरकार सेवा केंद्र हे दुकान चिंतलधाबा येथे आहे. शुक्रवारी दुपारी १२ वाजता मिलमीले हे दुकान बंद करुन बाहेर गेले. दुपारच्या सुमारास दुकानाला आग लागल्याचे फोनवर कळाले. ते येईपर्यंत दुकान जळाले होते. दुकानातील कंप्युटर, प्रिंटर, आधार कार्ड तयार करण्यासाठी लागणारे इलेक्ट्रॉनिक वस्तू, फॅन या बरोबरच कागदपत्रे जळाले.
