नायलॉन मांजा नको रे बाबा; पतंगाची दोर कापायची की आयुष्याची? #Chandrapur #Nagpur #Maharashtra
ऑनलाईन डिलिव्हरीवरदेखील 'वॉच'
ई-कॉमर्स वेबसाइटवरून नायलॉन मांजाची विक्री करण्यात येते, तर काहीजण कुरिअरच्या माध्यमातून देखील मांजा मागवितात. पोलिसांची यावरदेखील नजर राहणार आहे.
पोलिस पथकांचा "वॉच"
नायलॉन मांजाचा वापर, विक्री यावर पोलिसांच्या पथकाची नजर आहे. मागील काही दिवसांत कारवाई वाढलेली आहे. पोलिसांकडे तक्रार आल्यावरदेखील लगेच कारवाई होत आहे.
पक्षी-प्राण्यांसह माणसाला धोका
नायलॉन मांजामुळे प्राणी-पक्ष्यांनादेखील धोका संभवतो. आतापर्यंत अनेक पक्षी जायबंदी झाले आहेत. याशिवाय लहान मुलांचेदेखील गळे कापले गेल्याच्या घटना घडलेल्या आहेत.
मांजा ठरतो अपघाताचे कारण
दुचाकीस्वारांसाठी नायलॉन मांजा प्रचंड धोकादायक आहे. दुचाकीवरून जात असताना समोर मांजा आल्यावर गाडीचा तोल सावरत नाही. एकीकडे मांजामुळे होणारा आघात व दुसरीकडे वाहनाचा वेग यामुळे अपघात होण्याचा धोका असतो. दरवर्षी असे अनेक अपघात होताना दिसून येतात. विशेषत: उड्डाणपुलावर वाहन चालविताना विशेष काळजी घ्यायची गरज असते.
नायलॉन मांजा टाळा, तक्रार करा
नायलॉन मांजा हा धोकादायक असतो. यासंदर्भात वारंवार आवाहन करण्यात येत आहे. जर कुणी नायलॉन मांजाचा वापर करीत असेल किंवा नायलॉन मांजाचा उपयोग करीत असेल तर थेट पोलिसांना कळवा, असे आवाहन पोलिसांनी केले आहे.
१) दुचाकी कमी वेगाने चालवा
२) गळ्याभोवती जाड रुमाल, स्कार्फ किंवा मफलर गुंडाळा
३) रुमाल, स्कार्फ नसेल तर शर्टच्या वरील बटन लावा
४) हेल्मेटची काच लावून दुचाकी चालवा
कोणत्याही टिप्पण्या नाहीत