मातृभूमीसाठी गमावून प्राण
त्यांनी वाढवली पोलिसांची शान
बांधवा याची ठेव जरा जाण
त्यांचे वीरत्व आपल्यासाठी महान
लावूनी प्राणांची बाजी
नक्षलवाद्यांची झुकवली मान
शेवटच्या श्वासापर्यंत लढून
गमावले त्यांनी प्राण
या वीरांच मनात
स्मारक बांध छान
त्यांचे वीरत्व आपल्यासाठी महान
राक्षसांनाही लाजवेल अशी
अमानुष होती क्रूरतेची धार
दुःखात आकंठ बुडाली कुटुंबे
नव्हता वेदनांना अंतःपार
या वेदनांसाठी पोलिसा
आयुष्य कर बहाल
त्यांचे वीरत्व आपल्यासाठी महान
हळहळली सारी जनता
मरण त्यांचे पाहून
शहीद होऊन झाले अमर
गेले हृदयात राहून
असाच हृदयात जप
त्यांच्याबद्दल अभिमान
त्यांचे वीरत्व आपल्यासाठी महान
घेऊन त्यांच्या मृत्यूचा बदला
मिळावी शहिदांच्या आत्म्यास शांती
गर्वाने मग फुलावी
आमच्या जवानांची छाती
ही छाती फुलताना मात्र
होतात्म्याचें ठेव भान
त्यांचे वीरत्व आपल्यासाठी महान
पोलीस उपनिरीक्षक अजय दत्तात्रय चव्हाण
खाकी वर्दीतील दर्दी कवी