World Sparrow Day : प्राणीशास्त्र विभागातर्फे "जागतिक चिमणी दिवस" साजरा

पोंभुर्णा:- दिनांक २० मार्च २०२५ ला चिंतामणी कॉलेज ऑफ सायन्स पोंभूर्णा येथे प्राणीशास्त्र विभागातर्फे "जागतिक चिमणी दिवस" साजरा करण्यात आला. चिमणी दिवसाचे औचित्य साधून विद्यार्थ्यांना चिमणी आणि विविध पक्षी प्रजातींचे महत्त्व सांगण्यात आले. तसेच वनाचे महत्त्व सांगण्यात आले. विद्यार्थ्यांनी चिमण्यांसाठी खूप सुंदर घरटी बनवून आणले तसेच चिमण्यांसाठी पिण्याच्या पाण्यासाठी जलपात्र सुद्धा आणले.

 "चिमणी संवर्धन" या विषयावर प्राणीशास्त्र विभाग प्रमुख डॉ.अनंत देशपांडे यांनी विद्यार्थ्यांना चिमण्यांचे संवर्धन का केले पाहिजे? यावर माहिती दिली. डाँ. वैशाली मुरकुटे यांनी मानव आणि निसर्गातील प्रजाती यातील नातं विद्यार्थ्यांपुढे मांडलं. 

कार्यक्रमाचे अध्यक्ष प्राचार्य डॉ वेगिंनवार सर यांनी विद्यार्थ्यांना चिमणी आणि पक्षी संवर्धनावार मार्गदर्शन केले. कार्यक्रमाच्या शेवटी कॉलेजच्या प्रांगणामध्ये असलेल्या झाडांवर पक्षांसाठी विद्यार्थ्यांच्या हस्ते जलपात्र व खाद्य पात्र बांधण्यात आलेत. कार्यक्रमाचे आयोजन प्राध्यापिका सुनीता सुळे यांनी केले तर आभार कु. साक्षी सातरे हिने केले.