Bhairav Diwase. Nov 25, 2020
पोंभुर्णा:- मिळालेल्या माहितीनुसार दिनांक 25 /11/2020 बुधवारला अक्सापुर-पोंभूर्णा मार्गावर सोनापूर बस स्टँड जवळ अपघात झाल्याची घटना दहाच्या सुमारास घडली. दोन्ही गाड्या फोर व्हीलर असून, MH 34 BF 596 या गाडीचा चालक जखमी झाला असून त्याला पुढील उपचारासाठी रुग्णालयात हलवले आहेत. स्कार्पिओ ही गाडी अशोक गुंजेकर यांच्या मालकीची आहे तर, कार ही विनोद थेरे यांच्या मालकीची असल्याची प्राथमिक माहिती मिळाली आहे.
हेही वाचा:-
अपघात गाडीला (MH 34 BF 596)पोंभूर्णा पोलीस स्टेशन मध्ये नेत असताना चिंतामणी कॉलेज पोंभूर्णा जवळ अचानक पेट घेतल्याने गाडी पूर्णपणे जळून खाक झाल्याची घटना उघडकीस आली आहे. काही काळासाठी त्या ठिकाणी ताण तणावाची परिस्थिती निर्माण झाली होती.
चिंतामणीच्या कॉलेजच्या शिक्षकांनी व शिक्षकेतर कर्मचारी यांनी आग विझवण्याचा प्रयत्न केला. पण खूप मोठी आग लागल्यामुळे आग विजवण्यासाठी चिंतामणी कॉलेजच्या शिक्षकांना यश आले नाही.
पोंभुर्णा नगरपंचायत येथे अग्निशमन गाडी दुरुस्तीला टाकली आहे. अग्निशामक दल मूल यांना पाचारण करण्यात आले असून, दुपारी 2:17 ला अग्निशामक दलाकडून आग विझविण्यात आली आहे.
काही वेळानंतर नगरपंचायत बल्लारपूर येथून सुद्धा अग्निशामक दलाची गाडी घटनास्थळी दाखल झाली. परंतु मूल नगरपंचायत अग्निशामक दलाने पूर्णपणे आग विझवली होती. परंतु विजलेल्या गाडीवर नगरपंचायत बल्लारपूर अग्निशामक दलानी पुन्हा गाडीवर पाणी मारले. म्हणजे विजलेल्या गाडीला पुन्हा पाणी मारून विझवणे याचा अर्थ काय? असा प्रश्न नागरिकांनी उपस्थित केला जात आहे.