नऊ जण जखमी, सात जण गंभीर; उपचारासाठी चंद्रपूर येथे दाखल.
Bhairav Diwase. Dec 22, 2020
कोरपना:- कोरपनाकडून वणी मार्गे वरोराकडे जाणारी पीकअप उलटल्याने पिकअप मधील ७ जण गंभीररीत्या जखमी झाले तर ९ जण किरकोळ रित्या जखमी झाले. हि घटना मंगळवार ला दुपारी १२ वाजताच्या सुमारास कोरपना-वणी मार्गावरील हेटी गावाजवळ घडली. प्राप्त माहितीनुसार वरोरा तालुक्यातील पारधी टोला (चिणोरा) येथून कुलदेवतेच्या पूजन कार्यक्रमाला कोरपना तालुक्यातील पारधीगूडा येथे आले होते. दरम्यान गावाला पिकअप क्र. एम एच ३१ सी.क्यू. ७४८२ परत जात असता ही घटना घडली. यात बंडु भिमराव दडमल (२८), संगीता शेरकूरे (३५), शांता मोरेश्वर शेरकुरे (४०), सुरेखा संतोष ननावरे (४६), सिमा राजू दडमल (३५), अचल संतोष नन्नवरे (११), ज्योती शेरकूरे (३५) हे गंभीररीत्या जखमी झाले तर किरकोळ जखमी मध्ये शारदा सदाशिव ननावरे (३७), वेणूबाई ननावरे (६३), रंजीत गजानन चौधरी (३०), काजल रितेश ननावरे (१६), दशरथ ननावरे (७०), नंदा शेरकुरें (५०), जितेंद्र ननावरे (२८), वनिता शेरकुरें (४२), फुलाबाई भोसरे (५५) सर्व राहणार पारधी टोला ता.वरोरा आदींचा समावेश आहे. .
सदर घटनेची माहिती मिळताच कोरपना पोलिस यांनी घटनास्थळावर दाखल झाले असून जखमींना ग्रामीण रुग्णालय कोरपना येथे दाखल करण्यात आले.
यातील सात जणांची स्थिती गंभीर असल्याने त्यांना चंद्रपूर येथे रेफर करण्यात आले आहे. या घटनेचा पुढील तपास ठाणेदार अरूण गुरनूले यांच्या मार्गदर्शनाखाली कोरपना पोलिस करीत आहे.