(आधार न्यूज नेटवर्क उपसंपादक) राहुल थोरात
बल्लारपूर:- बल्लारपूर तालुक्यातील मानोरा-उमरी पोतदार मार्गावरील पुलावरून दुचाकी पडलवयाची घटना घडली. लग्नकार्यासाठी दुचाकीने जात असताना अचानक दुचाकीवरील नियंत्रण सुटल्याने दुचाकीचा अपघात झाला. या अपघातात एकाचा मृत्यू तर एक गंभीर जखमी झाल्याची घटना दिनांक 5 एप्रिलला सायंकाळच्या सुमारास घडली.
हि घटना बल्लारपूर तालुक्यातील मानोरा-उमरी पोतदारर का मार्गावरील पुलावर घडली या घटनेत घटनास्थळी मृत्यू पावलेल्या व्यक्तीचे नाव गणेश रमेश मडावी वय 24 वर्षे तर गंभीर जखमी झालेल्या व्यक्तींचे नाव चेतन प्रभाकर डाकरे वय 28 वर्षे आहे. दोघेही राजुरा तालुक्यातील मूर्ती गावाचे रहिवासी आहे.
मिळालेल्या माहितीनुसार मृत व जखमी हे MH 34 AU 3689 क्रमांकाच्या दुचाकीने घाटकुळ येथे लग्नकार्यासाठी मानोरा- उमरी पोतदार मार्गावरून निघाले असता त्यांचा अपघात झाला. त्यात रमेशचा जागीच मृत्यू झाला. तर चेतन गंभीर जखमी झाल्याने त्याला चंद्रपूर येथील सामान्य रुग्णालयात उपचारासाठी दाखल करण्यात आले असून पुढील तपास पोलिस करीत आहे.