गोंडपिपरी:- सन 2020-21 या शैक्षणिक वर्षात गौतम दाऊजी उराडे विषय शिक्षक जिल्हा परिषद उच्च प्राथमिक शाळा विठ्ठलवाडा यांना जिल्हा आदर्श शिक्षक पुरस्काराने गौरविण्यात आले. त्यांनी आपल्या शैक्षणिक जीवनात विद्यार्थी हेच दैवत मानून अखंड त्यांच्या उत्कर्षाचा ध्यास घेतला. सामाजिक, शैक्षणिक व सांस्कृतिक क्षेत्रात त्यांनी भरीव अशी कामगिरी केली.
अखिल प्राथमिक शिक्षक संघ तालुका शाखा गोंडपीपरी च्या वतीने त्यांना सपत्नीक गौरविण्यात आले. याप्रसंगी तालुकाध्यक्ष प्रेम खोब्रागडे, जिल्हा सल्लागार अभय कोसूनगोत्तावर व सचिन बावणे यांनी त्यांच्या विधायक कार्याचा लेखाजोखा मांडला व पुढील संघटन वाढीसाठी व समाजकार्यासाठी शुभेच्छा दिल्या.
सरांचे मुळगाव तारसा बू. च्या समाजबांधवांनी मेश्राम साहेब तहसीलदार गोंडपिपरी, निमसरकार सर, मोरेश्वरजी दुर्गे, नितेश डोंगरे पत्रकार, राजू झाडे पत्रकार, गाव माझा न्यूज चॅनेल चे पत्रकार राजकपूर भडके इ. मान्यवरांनी गावच्या सुपुत्राचा यथोचित मानसन्मान करून गौरव केला. भविष्यात गावच्या उन्नतीसाठी सदैव कार्यरत राहीन असे अभिवचन याप्रसंगी गौतम सरांनी दिले
निस्वार्थपणे केलेल्या कार्याची दखल शासन स्तरावर व ग्रामीण स्तरावर समाजमाध्यमे घेत आहेत. हीच खरी यशाची पावती होय. या यशापर्यंत पोहोचविण्यात माझे प्रेरणास्थान, वेळोवेळी प्रेरणा देणारे, दिशादर्शक, दर्शक आदरणीय महल्ले साहेब केंद्रप्रमुख विठ्ठलवाडा यांची मोलाची भूमिका आहे, असे उराडे सर सांगतात. जिल्हा परिषद उच्च प्राथमिक शाळा तारसा खुर्द च्या वतीने सुद्धा सरांना गौरविण्यात आले. आज गौतम उराडे जि. प. उच्च प्राथमिक शाळा विठ्ठलवाडा शाळेचे सर्वेसर्वा असून शाळेची आण, बाण व शान आहेत. त्यांच्या कार्याचा वेल असाच गगणावरी चढू दे ही मनोकामना.....
टिप्पणी पोस्ट करा