पावसा थेंब थेंब गळ...
पावसा थेंब थेंब गळ... || धृ ||
पाण्याविना मासा जगलं रे कसा..
हाक बेडकाची कोरडा रे घसा...
उन्हाळ्यात त्याचं अटलं रे तळ...
पावसा थेंब थेंब गळ...
पावसा थेंब थेंब गळ...|| 1 ||
शेतामध्ये बळीन पेरलं बियाणं...
आस तुझी त्याले तू वेळेवर येणं..
नभाकडे पाहून त्याला येतो रळ...
पावसा थेंब थेंब गळ...
पावसा थेंब थेंब गळ....|| 2 ||
वाऱ्या तू ढगाले शेतात फिरव...
पावसाचं पाणी मातीत जिरव...
बियाले उगवासाठी देजो तू रे बळ...
पावसा थेंब थेंब गळ...
पावसा थेंब थेंब गळ...|| 3 ||
सांग तूझ्या ढगाले पाडू नको विजा..
नको पुन्हा पूर, नको पुन्हा इजा...
रिमझिम बरस तू नको लावू झळ....
पावसा थेंब थेंब गळ...
पावसा थेंब थेंब गळ....|| 4 ||
काम तुझे मोठे आहे तू महान..
तुझ्यामुळे भागते सृष्टीची तहान..
धरनीमायेची भर तू ओंजळ..
पावसा थेंब थेंब गळ....
पावसा थेंब थेंब गळ....|| 5 ||
▪️कवी अरुण घोरपडे
मो.9657041041