अयोध्येतील राम मंदिराचं काम लवकरच पूर्ण होणार आहे. विशेष म्हणजे राम मंदिराच्या उद्घाटनाचा जंगी कार्यक्रम आता लवकरच पार पडणार आहे. याबाबत महत्त्वाची माहिती समोर आली आहे. अयोध्येच्या राम मंदिर ट्रस्टच्या पदाधिकाऱ्यांनी काल दिल्लीत पंतप्रधान नरेंद्र मोदी यांची भेट घेतली आहे. राम मंदिराचं 22 जानेवारी 2024 ला उद्घाटन होणार आहे. अयोध्या मंदिर ट्रस्टकडून पंतप्रधान नरेंद्र मोदी यांना या कार्यक्रमाचं अधिकृत निमंत्रण देण्यात आलं आहे. 22 जानेवारीला दुपारे साडेबारा वाजता पंतप्रधान नरेंद्र मोदी यांच्या हस्ते राम मंदिराचं उद्घाटन होणार आहे.
अयोध्येतील राम मंदिराच्या उद्घाटनाचं प्रसारण देश-विदेशात लाईव्ह केले जाणार आहे. देशातील सगळ्या राज्यांचे राज्यपाल आणि मुख्यमंत्र्यांना या कार्यक्रमाचं निमंत्रण दिलं जाणार आहे. देशातील प्रसिद्ध क्रीडापटू, साहित्यिक, वरिष्ठ पत्रकारांनाही 22 जानेवारीचे निमंत्रण दिलं जाणार आहे. राम मंदिराच्या आंदोलनात ज्या कारसेवकांचा मृत्यू झाला होता त्यांच्या नातेवाईकांनाही निमंत्रण दिलं जाणार आहे.
Loading...