बल्लारपूर:- वाघाने पतीसमोरच पत्नीवर हल्ला केला. यात तिचा घटनास्थळीच मृत्यू झाला. ही घटना बल्लारपूर शहरालगतच्या नाल्याजवळ काल दुपारी २ वाजताच्या सुमारास घडली. लालबच्ची चौहान (६०) असे मृत महिलेचे नाव आहे.
बल्लारपूरातील दिनदयाल वॉर्डातील रहिवासी रामअवध चौहान हे पत्नी लालबच्ची चौहान हिच्यासोबत बकऱ्या चारण्यासाठी जंगल परिसरात गेले होते.
बकऱ्या चारत असताना लालबच्ची चौहान या चारा गोळा करण्यासाठी झुडुपात गेल्या असता तेथे बसलेल्या वाघाने त्यांच्यावर केला. यात त्यांचा घटनास्थळीच मृत्यू झाला. ही बाब पती रामअवध चौहान यांच्या लक्षात येताच त्यांनी आरडाओरड केली. जवळपास असलेले नागरिक मदतीला धावून आल्याने वाघाने पळ काढला.
माहिती मिळताच वनविभागाचे पथक घटनास्थळी दाखल झाले. पंचनामा करून मृतदेह उत्तरीय तपासणीसाठी पाठवण्यात आला. या घटनेमुळे परिसरात भीतीचे वातावरण आहे. दरम्यान, जंगल परिसरात नागरिकांनी जावू नये, असे आवाहन वनपरिक्षेत्राधिकारी नरेंद्र भोवरे यांनी केले आहे.
टिप्पणी पोस्ट करा