पोलिस भरतीचा सराव करताना युवकाला अटॅक
गडचिरोली:- गडचिरोली येथे पोलिस भरतीची तयारी करणाऱ्या युवकाला अटॅक आल्याने त्याचा मृत्यू झाल्याची घटना मंगळवारी सकाळी जिल्हा क्रीडा संकुल परिसरात घडली. सूरज सुरेश निकुरे (२४) रा. भिकारमौशी असे मृतक युवकाचे नाव आहे.
पोलिस भरतीची तयारी करण्यासाठी सूरज हा गडचिरोली येथे खोली करून राहत होता. सकाळी ६ वाजता तो जिल्हा क्रीडांगणावर पोलिस भरतीचा सराव करण्यासाठी गेला होता. काही अंतर धावल्यानंतर त्याच्या छातीत दुखण्यास सुरुवात झाली. त्यानंतर तो मित्रांसोबत शिवाजी महाविद्यालयाच्या परिसरात असलेल्या मेडिकलमध्ये औषधी घेण्यासाठी गेला. मात्र, त्याच ठिकाणी तो चक्कर येऊन पडला. त्याला तत्काळ जिल्हा रुग्णालयात हलवण्यात आले. मात्र डॉक्टरांनी त्याला मृत घोषित केले. सूरजच्या मृत्यूमुळे गावात भिकारमौशी गावात शोककळा पसरली असून कुटुंबियाने एकच टाहो फोडला.
टिप्पणी पोस्ट करा