सामाजिक कार्यासाठी साहिल गायकवाड यांचा सन्मान!
चंद्रपूर:- पुण्यातील पत्रकार भवन येथे येत्या १ मार्च रोजी एका विशेष सोहळ्याचे आयोजन करण्यात आले आहे. नालंदा ऑर्गनायझेशन, महाराष्ट्र राज्य यांच्या वतीने दिला जाणारा प्रतिष्ठित 'नालंदा कर्तृत्व गौरव पुरस्कार' यंदा सामाजिक क्षेत्रात उल्लेखनीय कार्य करणाऱ्या व्यक्तींना प्रदान करण्यात येणार आहे. यामध्ये समाजरत्न पुरस्कार राष्ट्रीय सेवा योजनेचे (NSS) स्वयंसेवक साहिल गायकवाड यांची या मानाच्या पुरस्कारासाठी निवड करण्यात आली आहे.
नालंदा ऑर्गनायझेशन, महाराष्ट्र राज्य ही संस्था विविध क्षेत्रात निस्वार्थपणे काम करणाऱ्या व्यक्तींच्या कर्तृत्वाचा गौरव करण्यासाठी ओळखली जाते. यंदाच्या 'नालंदा कर्तृत्व गौरव पुरस्कार' सोहळ्यासाठी साहिल गायकवाड यांची निवड झाली आहे. त्यांनी राष्ट्रीय सेवा योजनेच्या माध्यमातून सामाजिक क्षेत्रात केलेले कार्य अतिशय प्रेरणादायी असून, त्यांच्या याच योगदानाची दखल संस्थेने घेतली आहे.
हा भव्य पुरस्कार वितरण सोहळा रविवार, १ मार्च २०२६ रोजी पुण्यातील पत्रकार भवन येथे पार पडणार आहे. या सोहळ्याला विविध क्षेत्रातील दिग्गज मान्यवर उपस्थित राहणार असून, साहिल गायकवाड यांचा गौरव त्यांच्या कौटुंबिक उपस्थितीत केला जाणार आहे.
साहिल गायकवाड यांना मिळालेला हा सन्मान त्यांच्या सामाजिक कार्याला मिळालेली एक मोठी पावती मानली जात आहे. या निवडीबद्दल त्यांचे सर्व स्तरांतून अभिनंदन आणि कौतुक होत आहे.