मिंथुर येथील रहिवासी हरिदास महादेव कुबडे हे शनिवारी सकाळी मोहफुले वेचण्यासाठी आपल्या शेताकडे गेले होते. मात्र, दिवस मावळला तरी ते घरी परतले नाहीत. चिंतेत पडलेल्या कुटुंबीयांनी आणि ग्रामस्थांनी परिसरात त्यांचा शोध सुरू केला. रात्रीचा काळोख आणि हिंस्त्र श्वापदाची भीती यामुळे शोध मोहिमेत अडथळे आले.
आज म्हणजेच रविवारी सकाळी वनविभागाच्या पथकाने आणि ग्रामस्थांनी पुन्हा शोध मोहीम राबवली असता, शेताजवळील एका नाल्यात हरिदास कुबडे यांच्या शरीराचे छिन्नविछिन्न अवशेष आढळून आले. वाघाने त्यांच्यावर हल्ला करून त्यांना ओढत नेल्याचे प्राथमिक तपासात निष्पन्न झाले आहे. या घटनेनंतर मिंथुर आणि आजूबाजूच्या गावांमध्ये दहशतीचे वातावरण आहे.