याच पार्श्वभूमीवर चंद्रपूर येथील पोलीस मुख्यालयाच्या हुतात्मा स्मारक मैदानावर पोलीस स्मृतिदिनाचा कार्यक्रम पार पडला. यावेळी देशासाठी बलिदान देणाऱ्या हुतात्मा पोलीस अधिकारी आणि जवानांना भावपूर्ण आदरांजली अर्पण करण्यात आली.
या कार्यक्रमाला चंद्रपूरच्या जिल्हाधिकारी श्रीमती वसुमना पंत, चंद्रपूर शहर महानगरपालिकेचे आयुक्त अकनुरी नरेश यांची प्रमुख उपस्थिती होती. तसेच पोलीस अधीक्षक आयुष नोपानी, सहायक पोलीस अधीक्षक कुमार सुशांत, अपर पोलीस अधीक्षक ईश्वर कातकडे आणि उपविभागीय पोलीस अधिकारी प्रमोद चौगुले यांच्यासह पोलीस दलातील अधिकारी व व कर्मचारी उपस्थित होते.
यावेळी जिल्ह्यातील शहीद पोलीस जवानांना आदरांजली वाहण्यात आली, तर त्यांच्या कुटुंबीयांचा सन्मान करून त्यांच्या त्यागाप्रती कृतज्ञता व्यक्त करण्यात आली. आपल्या कुटुंबातील सदस्य देशाच्या सेवेसाठी शहीद झाल्याच्या आठवणींनी यावेळी अनेक नातेवाईकांचे डोळे पाणावले.