नवीन फर्टिलिटी सेंटर सेकंड फ्लोअर, सलुजा बिल्डिंग, क्रोमा अँड पँटालून्स स्टोअरच्या वर, नागपूर रोड, बापट नगर, पोस्टमन कॉलनी, वडगाव, चंद्रपूर येथे स्थित आहे. या सेंटरच्या माध्यमातून चंद्रपूर आणि आसपासच्या भागातील रुग्णांना विशेष फर्टिलिटी केअरसाठी इतर शहरांमध्ये प्रवास करण्याची गरज कमी होईल आणि त्यांना घराजवळच उपचार व वैद्यकीय मार्गदर्शन मिळू शकेल.
वंध्यत्व ही प्रजनन आरोग्याशी संबंधित एक महत्त्वाची समस्या आहे, जी पुरुष आणि महिला दोघांनाही प्रभावित करू शकते. यामागे विविध वैद्यकीय, हार्मोनल आणि प्रजननाशी संबंधित कारणे असू शकतात. फर्टिलिटी उपचार प्रक्रियेमध्ये अनेकदा वैद्यकीय सल्ला, आवश्यक तपासण्या, उपचार प्रक्रिया आणि नियमित फॉलो-अपची गरज असते. अशा परिस्थितीत, विशेष तज्ज्ञ सेवा जवळ उपलब्ध असणे रुग्णांसाठी अत्यंत महत्त्वाचे ठरते.
प्रादेशिक स्तरावर फर्टिलिटी आणि आयव्हीएफ सेवांची उपलब्धता रुग्णांना वारंवार लांब पल्ल्याचा प्रवास करण्यापासून दिलासा देऊ शकते. तसेच उपचार प्रक्रियेदरम्यान वैद्यकीय सल्ला आणि फॉलो-अपची सातत्यपूर्णता राखण्यास मदत होते. याच उद्देशाने चंद्रपूरमध्ये सुरू करण्यात आलेले हे नवीन सेंटर स्थानिक नागरिकांना घराजवळच विशेष फर्टिलिटी सेवा उपलब्ध करून देण्याच्या दिशेने एक महत्त्वाचे पाऊल आहे.
चंद्रपूर येथील नवीन फर्टिलिटी सेंटरचे उद्घाटन कार्यक्रमाला इंडियन मेडिकल असोसिएशन (IMA) चे अध्यक्ष डॉ. प्रसाद पोटदुखे, त्वचारोगतज्ज्ञ आणि एस्थेटिक सर्जन डॉ. स्नेहल पोटदुखे हे मान्यवर अतिथी म्हणून उपस्थित होती. उद्घाटन सोहळ्यात इंदिरा आयव्हीएफ, नागपूर येथील स्त्रीरोगतज्ज्ञ, आयव्हीएफ तज्ज्ञ व सेंटर हेड डॉ. अंशुल भिवापूरकर आणि इंदिरा आयव्हीएफ, चंद्रपूर येथील स्त्रीरोगतज्ज्ञ, आयव्हीएफ तज्ज्ञ व सेंटर हेड डॉ. निकिता गजभिये या देखील उपस्थित होत्या. कार्यक्रमात वैद्यकीय क्षेत्रातील व्यावसायिक, वरिष्ठ प्रतिनिधी आणि इतर मान्यवरांनी सहभाग घेतला.
IMA अध्यक्ष डॉ. प्रसाद पोटदुखे यांनी सांगितले की, वंध्यत्वामागे अनेक कारणे असू शकतात आणि ही समस्या एका किंवा दोन्ही जोडीदारांना प्रभावित करू शकते. त्यामुळे यामागील कारणे समजून घेण्यासाठी आणि योग्य उपचार पर्याय निश्चित करण्यासाठी आवश्यक तपासण्या करणे अत्यंत गरजेचे आहे. जागरूकता आणि वेळेवर घेतलेला वैद्यकीय सल्ला यामुळे व्यक्ती आणि दांपत्यांना त्यांच्या प्रजनन आरोग्याबाबत माहितीपूर्ण निर्णय घेण्यास मदत होऊ शकते. चंद्रपूरमध्ये विशेष फर्टिलिटी सेवांची उपलब्धता परिसरातील लोकांना व्यावसायिक मार्गदर्शन आणि उपचारांची अतिरिक्त संधी उपलब्ध करून देईल.
इंदिरा आयव्हीएफ हॉस्पिटल लिमिटेड चे व्यवस्थापकीय संचालक नितिज मुर्डिया यांनी सांगितले की, चंद्रपूर सेंटरचे उद्घाटन हे महाराष्ट्रातील आमच्या सातत्यपूर्ण विस्ताराचा एक भाग आहे. विविध प्रदेशांमध्ये नवीन सेंटर सुरू करण्यामागील आमचे उद्दिष्ट म्हणजे एकसमान क्लिनिकल आणि प्रयोगशाळा प्रोटोकॉलचे पालन करत स्थानिक समुदायांच्या गरजेनुसार सेवा उपलब्ध करून देणे. चंद्रपूर सेंटरमध्ये फर्टिलिटीसंदर्भातील सर्वसमावेशक तपासण्या आणि उपचार सेवा एकाच ठिकाणी उपलब्ध करून दिल्या जातील. तसेच क्लिनिकल डॉक्युमेंटेशन आणि रुग्णसेवेशी संबंधित प्रक्रियांसाठी डिजिटल प्रणालींचाही वापर करण्यात येईल.
इंदिरा आयव्हीएफ, नागपूर येथील स्त्रीरोगतज्ज्ञ, आयव्हीएफ तज्ज्ञ व सेंटर हेड डॉ. अंशुल भिवापूरकर यांनी सांगितले की, चंद्रपूर सेंटरच्या उद्घाटनासह इंदिरा आयव्हीएफने भारतातील आपल्या विस्तारित नेटवर्कमध्ये आणखी एक अत्याधुनिक सेंटर जोडले आहे. या नवीन सेंटरमुळे चंद्रपूर आणि आसपासच्या भागातील व्यक्ती व दांपत्यांना फर्टिलिटी समुपदेशन, आवश्यक तपासण्या आणि असिस्टेड रिप्रोडक्टिव्ह सेवा स्थानिक स्तरावर उपलब्ध होतील.
इंदिरा आयव्हीएफ, चंद्रपूर येथील स्त्रीरोगतज्ज्ञ, आयव्हीएफ तज्ज्ञ व सेंटर हेड डॉ. निकिता गजभिये यांनी सांगितले की, या सेंटरमध्ये पुरुष आणि महिलांमधील वंध्यत्वाशी संबंधित समस्यांसाठी उपचार सेवा उपलब्ध असतील. या सेवांना स्टँडर्ड क्लिनिकल प्रोटोकॉल, प्रयोगशाळा प्रक्रिया आणि डिजिटल पेशंट केअर सिस्टिमचे पाठबळ असेल. चंद्रपूरमध्ये हे सेंटर सुरू झाल्यामुळे महाराष्ट्रातील इंदिरा आयव्हीएफची उपस्थिती अधिक मजबूत होईल आणि प्रदेशात विशेष फर्टिलिटी सेवांना अधिक सुलभ बनविण्याच्या प्रयत्नांना गती मिळेल.
इंदिरा आयव्हीएफबद्दल:
इंदिरा आयव्हीएफ हॉस्पिटल लिमिटेड हे भारतातील फर्टिलिटी क्लिनिक्सचे एक अग्रगण्य नेटवर्क आहे, जे असिस्टेड रिप्रोडक्टिव्ह तंत्रज्ञानाच्या माध्यमातून पालकत्वाचे स्वप्न साकार करू इच्छिणाऱ्या व्यक्ती आणि दांपत्यांना त्यांच्या प्रवासात मदत करते. इंदिरा आयव्हीएफ दर्जेदार आरोग्यसेवा आणि आधुनिक तंत्रज्ञानाच्या साहाय्याने आरोग्य परिणाम अधिक चांगले करण्यासाठी सातत्याने प्रयत्नशील आहे.
सुरक्षित आणि संरक्षित वातावरण उपलब्ध करून देण्यासाठी इंदिरा आयव्हीएफ क्लोज्ड वर्किंग चेंबर्स, RFID ट्रॅकिंग आणि इलेक्ट्रॉनिक मेडिकल रेकॉर्ड्स (EMR) यांसारख्या तंत्रज्ञानाचा वापर करते. आरोग्यसेवेसोबतच, प्रजनन वैद्यकशास्त्राच्या भविष्यात गुंतवणूक करण्याच्या उद्देशाने संस्था इंदिरा फर्टिलिटी अकादमी मार्फत नॅशनल बोर्ड ऑफ एज्युकेशन मान्यताप्राप्त फेलोशिप कार्यक्रम संचालित करते. या कार्यक्रमाद्वारे भावी फर्टिलिटी स्पेशालिस्ट आणि एम्ब्रायोलॉजिस्ट यांना प्रशिक्षण दिले जाते. तसेच, शाश्वतता आणि सेवांचा विस्तार यावर भर देत इंदिरा आयव्हीएफ आपल्या क्लिनिक्सच्या नेटवर्कमधील सर्व दांपत्याला विश्वासार्ह आणि गुणवत्तापूर्ण आरोग्यसेवा उपलब्ध करून देण्यास कटिबद्ध आहे