पोंभुर्णा तालुक्यातील जामतुकूम येथे उपसभापती ज्योतीताई बुरांडे यांचा कडुन बाहेरून राज्यातील आलेल्या मजुरांना मास्क, सॅनिटयझर, बिस्किटच वाटप.

ज्योतीताई बुरांडे उपसभापती पंचायत समिती पोंभुर्णा  यांनी जामतुकूम गावात आलेल्या मजुरांना भेट.

Bhairav Diwase.   May 10, 2020

(आधार न्यूज नेटवर्क तालुका प्रतिनिधी) स्वप्निल मंडोगडे डोंगरहळदी तुकुम, पोंभुर्णा

पाेंभुर्णा:- काेराेना विषाणू ने जगाला हादरवून साेडलेला आहे. भारतातही काेराेना ग्रस्तांची संख्या झपाटय़ाने वाढत आहे. राज्यातही कोरोना विषाणू ने कहर घातलेला आहे. चंद्रपूर जिल्ह्यात कोरोनाचा जरी एक ही रुग्ण आढळून आलेला नसला, तरी प्रशासना कडून याेग्य ती खबरदारी घेण्यात येत आहे. सध्या जगभरात कोरोना व्हायरस ने थैमान घातले असून, त्याचे पडसाद भारतातही दिसू लागले. महाराष्ट्रात सुद्धा कोरोना चे रुग्ण आढळले. या कोरोना वर मात करण्यासाठी शासनाने लॉकडाऊन जाहीर करून, शासनस्तरावर अनेक उपाययोजना सुरू केल्या आहेत. पोंभुर्णा तालुक्यातील जामतुकूम येथील व्यक्ती आंध्रप्रदेश मध्ये मिरची तोडण्यासाठी गेले होते. पण लाॅकडाउन मुळे ते तिथेच अडकून पडले होते. सरकारने बाहेर राज्यात गेलेल्या मजुरांना स्वगावी आणण्यासाठी परवानगी दिली. त्यानंतर जामतुकूम गावातील मजूरांना स्वगावी आणले. पण 14 दिवस क्वारंटाईन करुन ठेवले जाते. त्या पार्श्वभूमीवर पोंभुर्णा तालुक्यातील जामतुकूम गावातील ग्रामपंचायत यांनी मजुरांना गावातील शाळेमध्ये सोय केली आहे. ज्योतीताई बुरांडे उपसभापती पंचायत समिती पोंभुर्णा  यांनी जामतुकूम गावात आलेल्या मजुरांना भेट दिली. उपसभापती ज्योतीताई बुरांडे यांच्या कडून मजुरांना मास्क, सॅनिटयझर, बिस्किटच वाटप केले. सर्वांनी आपापली नीट काळजी घ्यावी, नेहमी हात धुवावे, विनाकारण घराबाहेर पडू नये, मास्कचा वापर करावा, घाबरू नये, असे आव्हान ज्योतीताई बुरांडे उपसभापती पंचायत समिती पोंभुर्णा यांनी केले.

     सर्व नागरीकांना आवाहन करण्यात येत आहे की, कोणत्याही अफवांवर विश्वास ठेवू नये. तसेच जनतेमध्ये संधम व भिती निर्माण होईल अशाप्रकारे संदेश किंवा माहिती खात्री झाल्याशिवाय सोशल मिडीयावर प्रसारीत करु नये:- ज्योतीताई बुरांडे उपसभापती पंचायत समिती पोंभुर्णा