पोंभुर्णा येथे मकरसंक्रांत उत्सव, महिला मेळावा व आत्मनिर्भर महिला संमेलन संपन्‍न.
Bhairav Diwase. Jan 30, 2021
पोंभुर्णा:- आज सर्वच क्षेत्रात स्‍त्री शक्‍तीने आपले वर्चस्‍व व श्रेष्‍ठत्‍व सिध्‍द केले आहे. केंद्रातील पंतप्रधान नरेंद्रभाई मोदी यांच्या नेतृत्‍वातील केंद्र सरकारने महिलांच्‍या कल्‍याणार्थ अनेक निर्णय घेतले आहेत. राज्‍यात आमची सत्‍ता असताना महिलांच्‍या हिताचे अनेक निर्णय आम्‍ही घेतले. संजय गांधी निराधार योजना, श्रावणबाळ योजना या सामाजिक अर्थसहाय्याच्‍या योजनांच्‍या लाभार्थी असलेल्‍या विधवा, परित्‍यक्‍ता, दिव्‍यांग, निराधार भगिनींना मिळणा-या 600 रू. अर्थसहाय्यात 1000 रू. पर्यंत वाढ केली आणि दोन अपत्‍ये असणा-यांना 1200 रू. इतके अर्थसहाय्य देण्‍याचा निर्णय आम्‍ही घेतला. आज जरी राज्‍यात तरीही लोककल्‍याणाचे हे कार्य अव्‍याहत सुरू आहे व राहील. आमच्‍यासाठी सत्‍ता महत्‍वाची नसून सेवा महत्‍वाची आहे. जिल्हा परिषद, पंचायत समिती मधील खुर्ची आमच्या दृष्‍टीने महत्‍वाची नसून पोंभुर्णा वासीयांच्‍या मनातील प्रेमाची खुर्ची आमच्‍यासाठी महत्‍वाची असल्‍याचे प्रतिपादन माजी अर्थमंत्री तथा विधीमंडळ लोकलेखा समितीचे प्रमुख आ. सुधीर मुनगंटीवार यांनी केले.
दिनांक 27 जानेवारी 2021 रोजी पोंभुर्णा येथे भारतीय जनता पार्टी महिला आघाडीतर्फे आयोजित मकरसंक्रांत उत्सव, महिला मेळावा व आत्मनिर्भर महिला संमेलन महोत्‍सवात आ. सुधीर मुनगंटीवार बोलत होते.
यावेळी मंचावर भाजपा महिला मोर्चा महाराष्‍ट्र प्रदेश अध्‍यक्षा सौ. उमा खापरे, जिल्हा भाजपाचे अध्यक्ष देवराव भोंगळे, भाजपा महिला मोर्चाच्‍या प्रदेश उपाध्‍यक्षा सौ. वनिता कानडे, सरचिटणीस सौ. अश्‍वीनी जिचकार, भाजपा महिला आघाडीच्‍या जिल्‍हाध्‍यक्षा अल्काताई आत्राम, श्री.गजानन गोरंटीवार,भाजपा तालुका अध्यक्ष,पोंभुर्णा,भोयर ताई ,मुल आदींची प्रामुख्‍याने उपस्थिती होती.
यावेळी बोलताना आ. मुनगंटीवार पुढे म्‍हणाले, स्‍त्री शक्‍तीचा पराक्रम, स्‍त्री शक्‍तीचे संस्‍कार हे आपल्‍या श्रेष्‍ठ भारतीय संस्‍कृतीचे बलस्‍थान आहे. स्‍त्री तेजस्‍वीनी, शक्‍तीदायिनी आहे. विरांगणा झाशीची राणी लक्ष्‍मीबाई, राजमाता जिजाऊ, क्रांतीज्‍योती सावित्रीबाई फुले, पुण्‍यश्‍लोक अहिल्‍यादेवी होळकर अशा थोर महिलांचा वारसा आम्‍हाला लाभला आहे. आपल्‍या विदर्भाच्‍या भूमीत प्रभू श्रीरामचंद्रांची आजी इंदूमती, भगवान श्रीकृष्णाची प्रेरणा असलेली माता रूक्‍मीणी अशा श्रेष्‍ठ स्‍त्रीया जन्‍माना आल्‍या आहेत. या स्‍त्री शक्‍तीला आपण नमन करत असल्‍याचे आ. मुनगंटीवार यावेळी बोलताना म्‍हणाले.
पोंभुर्णा मध्ये आयोजित या मकर संक्रमण उत्‍सवाला मोठया संख्‍येने नारी शक्ती उपस्थित आहे. आजच्‍या स्‍त्रीने पुरूषांच्‍या खांदयाला खांदा भिडवून प्रगतीची नवनवीन शिखरे गाठली आहे. पराक्रम, बुध्‍दीचातुर्य, साहित्‍य, कला, संसार, विज्ञान, अनुसंधान अशी सर्वच क्षेत्रे स्‍त्रीयांनी काबीज केली आहे. महिला आत्मनिर्भर व्‍हाव्‍या, स्‍वयंपूर्ण व्‍हाव्‍या यासाठी पंतप्रधान नरेंद्रभाई मोदी यांनी अनेक महत्‍वाचे निर्णय घेतलेत. राज्‍यात आ. मुनगंटीवार अर्थमंत्री असताना महिलांच्‍या हिताचे अनेक निर्णय घेतले गेले. भारतीय जनता पार्टी महिलांच्‍या कल्‍याणार्थ सदैव कटिबध्‍द असल्‍याचे सौ. उमा खापरे यावेळी बोलताना म्‍हणाल्‍या.
पोंभुर्णा शहरात आम्‍ही भारतीय जनता पार्टीच्‍या माध्‍यमातुन विकासाची मोठी मालिका तयार केली असल्‍याचे सांगत भाजपाचे जिल्हाध्यक्ष देवराव भोंगळे म्‍हणाले, मकर संक्रांतीचे औचित्‍य साधुन आ. सुधीर मुनगंटीवार यांच्या मार्गदर्शनात महिलांचे हे मोठे एकत्रीकरण आम्‍ही आयोजित केले आहे. भाजपाच्‍या माध्‍यमातुन सेवाकेंद्र आम्‍ही चालवित आहोत. पोंभुर्णा वासियांच्‍या सेवेसाठी भारतीय जनता पार्टी वचनबध्‍द असल्‍याचे देवराव भोंगळे यावेळी बोलताना म्‍हणाले.
या वेळी उपस्थित ज्योती बुरांडे,उपसभापती पोंभुर्णा सुनीता म्यॅकलवार,रजिया कुरेशी,स्वेता वनकर,जिल्हा आघाडी,वर्षा मोहुर्ले, माधुरी मोरे ,कार्यक्रमाच्या यशवितेसाठी साठी शहर अध्यक्ष महिला वैशाली बोलमवार,उषा किरण आत्राम,वैशाली बोलमवार शारदा कोडापे,नेहा बघेल,पुष्पा बुरांडे,आशाताई गुडेपवार,नंदाताई कोटरंगे ,हर्षा कामीडवार वैशाली वासलवार,सुलभा पिपरे,सुमन पिपरे ,वनकर ताई इतर महिला कार्यकर्त्या कार्यक्रमाला मोठया संख्‍येने महिलांची उपस्थिती होती.
टिप्पणी पोस्ट करा