लग्नाच्या महिनाभरापूर्वी कुमारिकेची आत्महत्या.

Bhairav Diwase.   March 07, 2021

(आधार न्यूज नेटवर्क तालुका प्रतिनिधी) जितेंद्र माहुरे भद्रावती

भद्रावती:- कान्सा येथील २२ वर्षीय कुमारिकेने लग्नाला एक महिना शिल्लक असताना जाळून घेऊन आत्महत्या केल्याची घटना शुक्रवारी घडली. नीलिमा प्रमोद काकडे (रा.कान्सा) असे आत्महत्या करणाऱ्या कुमारिकेचे नाव आहे. काही दिवसांपूर्वी नीलिमाचे साक्षगंध झाले होते. 

        एका महिन्यावर लग्न आले असताना तिने राहत्या घरीच स्वत: जाळून घेतले. प्रकृती गंभीर असल्याने जिल्हा रुग्णालयात दाखल केले. परंतु उपचारादरम्यान तिचा मृत्यू झाला . आत्महत्येचे कारण स्पष्ट झाले नाही. १० वर्षांपूर्वी वडील प्रमोद काकडे यांनीसुद्धा कीटकनाशक घेऊन आत्महत्या केली होती. पाच वर्षापूर्वी अपघातात भावाचासुद्धा मृत्यू झाला. आई आता पोरीचा आधार घेऊन मजुरी करून जगत असताना पोरीनेसुद्धा आत्महत्या केली.