१० मे पासून अंतरगाव (बु) येथे करणार उपोषण
नारंडा-अंतरगाव बु-कवठळा-नांदगाव सूर्या-पवनी रस्त्याकरिता भाजयुमो जिल्हा उपाध्यक्ष आशिष ताजने करणार आमरण उपोषण
कोरपना:- कोरपना तालुक्यातील एन्यूटी हायब्रिड अंतर्गत सुरु असलेल्या नारंडा फाटा-अंतरगाव बु-सांगोडा फाटा-गाडेगाव-कवठाळा-नांदगाव सूर्या-पवनी ह्या रस्त्याचे काम मागील गेल्या ४ वर्षांपासून सुरू आहे परंतु सदर रस्त्याचे काम अद्यापही पूर्ण झाले नाहीत सदर रस्त्याचे काम पूर्ण व्हावे याकरिता भारतीय जनता युवा मोर्चाचे जिल्हा उपाध्यक्ष आशिष ताजने यांनी सार्वजनिक बांधकाम विभागाकडे वारंवार यासंदर्भात पत्रव्यवहार करून पाठपुरावा केला तसेच १३ फेब्रुवारी २०२२ ला तालुक्यातील अंतरगाव बु येथे रास्ता रोको आंदोलन सुद्धा केले तेव्हा अधिकारी व कंत्राटदारांनी लवकरात लवकर पुलाचे व रस्त्याचे बांधकाम पूर्ण करू असे सांगितले परंतु २ महिने लोटूनही काम पूर्ण झाले नाही त्यामुळे भाजयुमो जिल्हा उपाध्यक्ष आशीष ताजने यांनी १० मे पासून अंतरगाव बु येथे आंदोलन करीत असल्याचे जाहीर केले.
तसेच कोरपना तालुक्यातील नारंडा, वनोजा, कढोली, अंतरगाव, सांगोडा, गाडेगाव, येथील नागरिकांना याच मार्गवरून ये-जा करावी लागते परंतु रस्त्याचे बांधकाम अपूर्ण असल्यामुळे परिसरातील नागरिकांना धुळीचा सामना करावा लागत आहे.
या सर्व बाबी लक्षात घेता १० मे पासून भारतीय जनता युवा मोर्चाचे जिल्हा उपाध्यक्ष आशिष ताजने सदर रस्त्याचे व पुलाचे बांधकाम लवकरात लवकर पूर्ण व्हावे याकरिता आंदोलन करणार आहे.
टिप्पणी पोस्ट करा