चक्क उंटावरून निघाली लग्नाची वरात #chandrapur #bhadrawati #marriage


https://www.adharnewsnetwork.com

Google ads.

चंद्रपूर:- लग्नाची वरात घोडा, बैल बंडी, चारचाकी वाहन तथा विमानात देखील निघाली आहे. मात्र जिल्ह्यातील भद्रावती येथील एका नरवदेवाने वाजत गाजत चक्क उंटावर वरात काढली. अत्यंत उत्साहपूर्ण वातावरणात निघालेली ही वरात गावातच नव्हे, तर संपुर्ण पंचक्रोशीत चर्चेचा विषय ठरली आहे.

लग्न आयुष्यातील अत्यंत महत्त्वाचा सोहळा त्यामुळेच लग्न बघावे करून असे बोलल्या जाते. आयुष्यात एकदाच होणारे लग्न अविस्मरणीय व्हावे ही प्रत्येकाची इच्छा असते आणि आपल्या मुलीची पाठवणी करताना आपल्या आयुष्यातील सर्व काही पणाला लाऊन वर पक्षांकडील मंडळींची बडदास्त ठेवतो.

त्याचप्रमाणे आपले लग्न जगावेगळे व्हावे असे प्रत्येक नवरदेवाला वाटत असते. त्यामुळे लग्नाची वरात जास्तीत जास्त आकर्षक असावी, लग्नात मित्र परिवाराने मनमुराद आनंद लुटावा यासाठी महागडे बँड, डी जे, लावुन कुणी महागड्या गाड्या सजवून तर कुणी आकर्षक पांढर्‍या घोड्यावरून वरात घेऊन जातात.

भद्रावती तालुक्यातील आष्टा येथील एमएबीएड असलेला कृषी केंद्र संचालक नवरदेव अमोल संतोषराव पडवे याचे लग्न यवतमाळ जिल्ह्यातील मारेगाव येथील जया देवरावजी वैद्य हिच्याशी ठरल्यानंतर विवाह सोहळा आपल्या गावातच करण्याचा निर्णय घेतला. आपले लग्न अविस्मरणीय व्हावे असे स्वप्न बघणार्‍या अमोलने आपल्या लग्नाची वरात जगावेगळ्या पध्दतीने काढण्याचे ठरवून वरातीसाठी चक्क उंट मागवला व उंटावर बसून थेट लग्न मंडपात पोहचला. उंटावरून निघालेली वरात बघण्यासाठी गावातील प्रत्येक व्यक्ती वरातीत सहभागी झाली होती.

टिप्पणी पोस्ट करा

0 टिप्पण्या