धम्मचक्र अनुप्रवर्तन बॅनर उतरविल्याप्रकरणी पोंभूर्ण्यात बौद्ध बांधव रस्त्यावर #chandrapur #pombhurna

पोंभूर्णा:- शहरातील डॉ.बाबासाहेब आंबेडकर चौकात धम्मचक्र अनुप्रवर्तन दिनाचे लावलेले बॅनर नगरपंचायतने रविवारी संध्याकाळी काढल्यामुळे बौद्ध बांधवांनी नगरपंचायतच्या विरोधात रोष व्यक्त करत रस्त्यावर उतरले व रास्ता रोको आंदोलन करण्यात आले.

जो पर्यंत नगरपंचायत प्रशासन माफी मागणार नाही व नगराध्यक्ष,मुख्याधिकारी व कर्मचाऱ्यावर गुन्हा दाखल होणार नाही तो पर्यंत आम्ही जागेवरून हटणार नाही हि भूमिका बौद्ध बांधवांनी घेतल्याने बराच वेळ तणाव निर्माण झाला होता.उशीरा रात्री पर्यंत कुठलाही तोडगा निघाला नव्हता.