नवी दिल्ली:- सायबर गुन्ह्यांना आळा घालण्यासाठी सरकारडून सातत्याने नवनवीन पावले उचलली जात आहेत. ग्राहकांना विविध माध्यमांमधून सतर्क राहण्याच्या सूचना दिल्या जात आहेत. दूरसंचार विभागाकडून देखील ग्राहकांना सतर्कतेच्या सूचना दिल्या जात आहेत.
दूसरंचार विभागानेने आठवडाभरापूर्वी जिओ, एअरटेल, व्होडाफोन आयडिया आणि बीएसएनएल या सर्व टेलिकॉम ऑपरेटर्सना सायबर गुन्हेगारीबाबत जनजागृतीसाठई एक कॉलर ट्यून वाजवण्यास सांगितले आहे. कॉलर ट्यून तुम्हाला गेल्या काही दिवसांपासून ऐकू येत असेल. पण ही कॉलर ट्यून का ऐकवली जातेय आणि तुम्ही का सतर्क राहण्याची गरज आहे हे जाणून घेऊया.
दूरसंचार विभागाने मोबाईल कंपन्यांना तीन महिन्यांसाठी दिवसातून आठ ते दहा वेळा सायबर क्राईम जनजागृती कॉलर ट्यून वाजवण्याचे आदेश दिले आहेत. टेलिकॉम कंपन्यांना पाठवलेल्या आदेशाच्या प्रतीनुसार कॉलर-ट्यून भारतीय सायबर क्राइम कोऑर्डिनेशन सेंटर (I4C) आणि गृह मंत्रालयाच्या अंतर्गत असलेल्या सायबर क्राईम युनिटद्वारे प्रदान करण्यात आली आहे. हा आदेश 18 डिसेंबर रोजी जारी करण्यात आला आहे.
सरकारच्या आदेशात काय म्हटलंय?
या आदेशात "कॉलर-ट्यून मोहिमेद्वारे सायबर गुन्ह्यांबद्दल जनतेला जागरूक करण्यासाठी प्री-कॉल अनाउन्समेंट/रिंग बॅक टोन सिस्टमद्वारे कॉलर-ट्यून प्ले करण्याचा निर्णय घेण्यात आला आहे. I4C चे नोडल अधिकारी ते दूरसंचार कंपन्यांना (TSP) देतील," असे म्हटले आहे. आदेशात दूरसंचार कंपन्यांना (टीएसपी) या आदेशावर त्वरित कार्यवाही करण्यास सांगितले आहे. हे आदेश पुढील तीन महिन्यांसाठी लागू असतील आणि या काळात टेलिकॉम कंपन्या ग्राहकांना दिवसातून आठ ते दहा वेळा कॉलर ट्यून ऐकणार आहेत.
सायबर गुन्हेगारीचे प्रमाण वाढले
देशात सध्या सायबर गुन्हेगारीचे प्रमाण वाढले आहे. अनेक सायबर गुन्हेगार मोबाईलचा वापर करून लोकांना लाखोंचा गंडा घालत आहे. गेल्या काही दिवसांत डिजिटल अरेस्ट हा नवा घोटाळा समोर आला आहे. डिजिटल अरेस्टमध्ये एक व्यक्ती तुम्हाला कॉर करते आणि पोलिस, इनकम टॅक्स अधिकारी, न्यायाधिश किंवा इतर सरकारी अधिकारी असल्याचा दावा करतो आणि तुम्ही गुन्हेगारी कटात अडकल्याचे लोकांना पटवून देते आणि त्यांच्याकडून मोठ्या प्रमाणात पैसे लुबाडते.
अनेक लोकांना कोट्यवधींचा गंडा
या डिजिटल अरेस्ट गुन्हेगारीचे अनेक प्रकरणं समोर आली असून या सायबर ठगांनी अनेकांना कोट्यवधींचा गंडा घातला आहे. अशा नवीन प्रकारच्या आर्थिक फसवणुकीच्या घटनांमध्ये वाढ झाली आहे. त्यामुळे लोकांना जागृत करण्यासाठी ही कॉलर ट्यून वाजवण्याचे आदेश सरकारकडून देण्यात आले आहेत. या कॉलरट्यूनचा उद्देश उद्देश लोकांपर्यंत आवश्यक माहिती पोहोचवणे आणि जनजागृती करणे हा आहे.