(आधार न्यूज नेटवर्क तालुका प्रतिनिधी) रत्नाकर पायपरे, राजुरा
राजुरा:- आज 18 मे 2021 रोज मंगळवारला पेल्लोरा येथे कोविड लसीकरणाचे उद्घाटनप्रसंगी जि. प. सभापती सुनीलभाऊ उरकुडे यांनी पेल्लोरा येथील कोविड लसीकरण सुरू करून पेल्लोरा गावातील जनतेला मोठा दिलासा दिला.
गावातील सर्वच नागरिकांनी कुठलीही भीती न बाळगता कोविड लसीकरण करून घेण्याचे आवाहन सभापती सुनील उरकुडे यांनी याप्रसंगी केले व नागरिकांना कमी अंतरावर लसीकरण घेता येण्यासाठी या लसीकरणाची सोय उपलब्ध केल्याचे त्यांनी सांगितले. सध्या कोरोनाचा वाढता प्रादुर्भाव लक्षात घेता स्वतःच्या व कुटुंबाच्या सुरक्षित आरोग्यासाठी आरोग्य प्रशासनाने दिलेल्या सूचनेचे पालन करण्याची विनंती त्यांनी केली.
लसीकरण केंद्राच्या उद्घाटनप्रसंगी सरपंच, उपसरपंच, ग्राम पंचायत सदस्य, पोलीस पाटील तसेच डॉक्टर, नर्सेस, आशा वर्कर, आणि गावकरी उपस्थित होते.