Aadhar News Network, Bhairav Diwase, chief editor, Adharnewsnetwork, chandrapur, adhar news network logo

लोकप्रिय पोस्ट

भेकर शिकार प्रकरणी नऊ आरोपींना अटक #chandrapur #arrested


Saoli News

(आधार न्युज नेटवर्क ग्रामीण प्रतिनिधी) सौरभ चौधरी, सावली

सावली:- अधिसूचित वन्यप्राणी भेकरची शिकार करुन मांस शिजविल्याप्रकरणी वन अधिकाऱ्यांनी सावली उपक्षेत्र व्याहाड नियतक्षेत्र अंतर्गत सामदा (saamda) येथे शुक्रवारी नऊ (Nine) जणांच्या मुसक्या आवळल्या. महादेव सावजी पोहनकर, सिद्धार्थ परशुराम रामटेके, राकेश कचरू भोयर, अमोल दिवाकर खेवले, गिरीधर देवाजी रामटेके, श्रावणकावर शेंडे, रामदास सदू भोयर, योगेश हरिदास साखरे, श्रावण बुधा साखरे (सर्व रा. सामदा, ता. सावली) अशी आरोपींची नावे आहेत.

वन विभागाच्या (Forest Department) अधिकाऱ्यांना गुप्त माहिती मिळाल्याने सामदा येथील महादेव सावजी पोहनकर याच्या घरी जाऊन झडती घेतली असता वन्यप्राणी भेकरचे शिजलेले मांस घरी आढळले.


आरोपीची सखोल चौकशी केली असता सामदा येथील अंजना कवडू भांडेकर यांच्या पडीक शेतात आरोपीने शनिवारी दुपारी 2 ते 2.30 च्या दरम्यान वन्यप्राणी भेकरची शिकार केली. त्यानंतर मांस शिजवून खाण्यासाठी घरी आणले. चौकशीदरम्यान या प्रकरणात अन्य आठ (Eight) आरोपींचा सहभाग असल्याचे उघडकीस आले.

घटनास्थळाचा पंचनामा करून मांस ताब्यात घेतले आणि एकूण नऊ आरोपींविरुद्ध वन्यजीव (संरक्षण) अधिनियम 1972 अन्वये वन गुन्हा (Forest crime) नोंदवून एकूण नऊ जणांना अटक (arrested) केली. आरोपींना तालुका न्यायालयात हजर केले असता प्रथम श्रेणी न्यायाधीशांनी 2 डिसेंबर 2022 पर्यंत पोलीस कोठडी (Police custody) सुनावली.

सदर कारवाई विभागीय वन अधिकारी प्रशांत खाडे, सहाय्यक वनसंरक्षक (तेंदु) एन. जे. चौरे, वनपरिक्षेत्र अधिकारी (प्रादेशिक) व्हि. ए. राजुरकर, क्षेत्र सहायक व्याहाड, क्षेत्र सहाय्यक व्याहाड नंदकिशोर पाटील, वनरक्षक बोला सोनेकर, वनरक्षक महादेव मुंडे, वनरक्षक सचिन शेंडे, वनरक्षक विश्वास चौधरी, वनरक्षक एकनाथ कुडे वनरक्षक आदींनी केली.

कोणत्याही टिप्पण्‍या नाहीत