चंद्रपूर:- चंद्रपूर पोलिस दलातील 137 पोलीस शिपाई व 09 बॅण्डस्मनची रिक्त पदांसाठी सुरू असलेल्या मैदानी चाचणी परीक्षेस गैरहजर राहिलेल्या उमेदवारांसाठी संधी देण्याचा निर्णय घेण्यात आला आहे. अशा उमेदवारांनी बुधवारी दिनांक 03 जुलैला सकाळी 5 वाजता जिल्हा क्रीडा संकुल, चंद्रपूर येथे चाचणीसाठी उपस्थित राहावे, असे आवाहन पोलिसांनी केले आहे.
चंद्रपूर पोलिस दलातील 137 पोलीस शिपाई व 09 बॅण्डस्मनची रिक्त भरतीप्रक्रिया राबवली जात आहे. त्यानुसार भरतीसाठी एकूण 22 हजार 583 आवेदन अर्ज प्राप्त झाले असून त्यासाठी दि. 19 जूनपासून उमेदवारांची मैदानी चाचणी घेतली जात आहे. काही उमेदवार मैदानी चाचणीस गैरहजर राहिले. त्यामुळे अशा उमेदवारांना चंद्रपूर पोलिसांनी एक संधी उपलब्ध करून दिली आहे. त्यानुसार बुधवारी दिनांक 03 जुलैला सकाळी 5:00 वाजता जिल्हा क्रीडा संकुल, चंद्रपूर याठिकाणी उपस्थित राहण्याचे आवाहन करण्यात आले आहे.
चंद्रपूर जिल्हा पोलीस भरती 2023-2024 उमेदवारांकरीता महत्वाची सुचना
दिनांक 03/07/2024 रोजी पोलीस शिपाई (पुरुष) पदासाठी शेवटची मैदानी चाचणी घेण्यात येणार आहे. तरी, ज्या उमेदवारांनी चंद्रपूर जिल्हा पोलीस भरतीचे आवेदन करुन मैदानी चाचणी केली नसेल, किंवा पुढील तारीख वाढुन घेतली नसेल त्यांना शेवटची संधी म्हणुन अशा उमेदवारांनी दिनांक 03/07/2024 रोजी सकाळी 05:00 वाजता मैदानी चाचणी करीता जिल्हा क्रिडा संकुल चंद्रपूर येथे उपस्थित रहावे. यानंतर संधी देण्यात येणार नाही याची नोंद घ्यावी.