तीन जणांचा मृत्यू तर तीन जण जखमी
गडचिरोली:- जिल्ह्यातील आरमोरी शहरात हिरो कंपनीच्या टू व्हीलर वाहनांच्या शोरुमची इमारत कोसळल्याची घटना घडली आहे. यामध्ये तीन कामागारांचा मृत्यू झाला आहे तर तीन कामगार जखमी झाले आहेत. या इमारतीखाली एकूण 6 जण दबले होते. यामध्ये तीन जणांचा मृत्यू झाल्याची माहिती समोर आली आहे. जखमी झालेल्या तीन जणांवर उपजिल्हा रुग्णालय आरमोरीत उपचार सुरु
कशी घडली घटना?
आरमोरी येथील भगतसिंग चौकात हिरो शोरुम इमारत होती. या इमारतीच्या मागच्या बाजूची भिंत कोसळल्याने सहा जण भिंतीच्या मलब्यात दबले होते. यामधील तीन जणांचा मृत्यू झाला आहे. तर तीन जणांना जीवंत बाहेर काढण्यात यश आलं आहे. सदर तीन जखमी व्यक्तींपैकी दोन जखमी यांच्यावर आरमोरी येथे तसेच एक जखमी व्यक्ती यांच्यावर ब्रह्मपुरी येथे उपचार सुरू असून सध्या तीनही जखमींची प्रकृती स्थिर आहे.
घटनेनंतर नगरपरिषद आरमोरी यांचे तक्रारीवरून पोस्टे आरमोरी येथे संबंधित इमारतीचे मालक यांच्याविरुद्ध भारतीय न्यायसंहितेच्या कलम 106(1), कलम 223 आणि इतर कलमांअंतर्गत गुन्हा नोंदविण्याची प्रक्रिया सुरू आहे.
मृत कामगारांची नावे
1) आकाश बुराडे रा. निलज ता. ब्रम्हपुरी जि. चंद्रपूर
2) केतू शेख रा . वडसा ता. जि. गडचिरोली
3) अशपाक शेख रा. वडसा जि. गडचिरोली
जखमी झालेल्या कामगारांची नावे
1. दीपक अशोक मेश्राम रा. आरमोरी जि. गडचिरोली
2. विलास कवडू मने रा. आरमोरी जि. गडचिरोली
3. सौरभ रवींद्र चौधरी रा . मेंढकी ता. ब्रम्हपुरी जि. चंद्रपूर हे तीन व्यक्ती जखमी आहेत.