चंद्रपूर:- राज्य निवडणूक आयोगाने दिनांक १५ डिसेंबर २०२५ रोजी चंद्रपूर महानगरपालिकेच्या सार्वत्रिक निवडणुकीचे वेळापत्रक जाहीर केले आहे. यानुसार, चंद्रपूर महानगरपालिका मतदार संघात दिनांक १५ जानेवारी २०२६, गुरुवार रोजी सकाळी ७:३० ते सायंकाळी ५:३० या वेलावधीत मतदानाची प्रक्रिया पार पडणार आहे. ही माहिती मनपा आयुक्त अकुनुरी नरेश यांनी पत्रकार परिषदेत दिली.
महत्त्वाचे आकडे:
एकूण प्रभाग 17
निवडून द्यायच्या उमेदवारांची संख्या 66
एकूण मतदार केंद्राची संख्या 355
पुरुष मतदार संख्या:- 1 लक्ष 49 हजार 609
महिला मतदार संख्या 1 लक्ष 50 हजार 354
एकूण मतदारांची संख्या 2 लक्ष 99 हजार 94
इतर मतदार संख्या 31
दिव्यांग पुरुष मतदार संख्या:- 532
दिव्यांग महिला मतदार संख्या:-275
एकूण दिव्यांग मतदार संख्या:- 807
विशेष व्यवस्था:
मनपा आयुक्त अकुनुरी नरेश यांनी सांगितले की, मनपा क्षेत्रातील प्रत्येक मतदान केंद्रावर दिव्यांग मतदारांच्या मागणीनुसार व्हीलचेअरची व्यवस्था करण्यात आली आहे.
नियंत्रण कक्ष:
निवडणूक प्रक्रियेवर योग्य देखरेख आणि नियंत्रण राखण्यासाठी चंद्रपूर महानगरपालिकेत संपर्क नियंत्रण कक्ष, प्रसारमाध्यमे सनियंत्रण कक्ष, वेबकास्टिंग सनियंत्रण कक्ष तसेच विविध यंत्रणा कक्ष स्थापन करण्यात येत आहेत.
आयुक्त नरेश यांचे आवाहन:
यावेळी बोलताना मनपा आयुक्त अकुनुरी नरेश यांनी सर्व नागरिकांना आवाहन केले की, त्यांनी आपला मतदानाचा अधिकार बजावावा आणि देशाच्या सर्वांगीण विकासामध्ये आपला सक्रिय सहभाग नोंदवावा.