नेमकं प्रकरण काय?
पुणे जिल्ह्यातील नसरापूर येथे एका चिमुकलीवर झालेल्या अत्याचार आणि हत्येच्या घटनेनंतर राज्यात संतापाची लाट उसळली होती. या पार्श्वभूमीवर राष्ट्रवादी काँग्रेसचे (शरद पवार गट) आमदार रोहित पवार यांनी पीडित कुटुंबाची भेट घेतली. यावेळी त्यांनी महिला आयोगाचे अध्यक्षपद रिक्त असल्याबद्दल राज्य सरकारवर टीका केली होती.
'मीरा बोरवणकर यांची महाराष्ट्र राज्य महिला आयोगाच्या अध्यक्षपदी निवड' अशा मथळ्याने सोशल मीडियावर व्हायरल झालेली बातमी खोटी आहे. त्यांची आयोगाच्या अध्यक्षपदी निवड झालेली नाही. तशा आशयाच्या सर्व बातम्या निराधार आहेत.#राज्यमहिलाआयोग#FactCheck #DGIPRFactCheck pic.twitter.com/MRNBTeTG9H
— MAHARASHTRA DGIPR (@MahaDGIPR) May 5, 2026
रोहित पवार यांनी मागणी केली होती की, “महिला आयोगावर कोणत्याही राजकीय व्यक्तीची नियुक्ती न करता, मीरा बोरवणकर किंवा मेधा गाडगीळ यांच्यासारख्या अनुभवी प्रशासकीय अधिकाऱ्याची नियुक्ती करावी.” या विधानानंतर सोशल मीडियावर मीरा बोरवणकर यांची नियुक्ती झाल्याच्या पोस्ट व्हायरल होऊ लागल्या. मात्र, एएनआय ने सुध्दा या वृत्ताचे खंडन केले आहे.
सध्या तरी महिला आयोगाचे अध्यक्षपद रिक्तच असून, सोशल मीडियावरील अफवांवर विश्वास न ठेवण्याचे आवाहन प्रशासनाकडून करण्यात आले आहे. सरकार या पदावर कोणाची वर्णी लावणार, याकडे आता सर्वांचे लक्ष लागले आहे.