‘सेतू केंद्र’तील एक जण लाचलुचपत प्रतिबंधक विभागाच्या जाळ्यात
चंद्रपूर:- उत्पन्नाचा दाखला काढून देण्यासाठी शासकीय शुभापेक्षा अधिक पैशांची मागणी करणाऱ्या सरकारमान्य सेतू केंद्राच्या चालकाला लाचलुचपत प्रतिबंधक विभागाने (ACB) रंगेहात पकडले आहे. सचिन रामचंद्र खैरे (वय ४०, रा. गडचांदूर, ता. कोरपना, जि. चंद्रपूर) असे जाळ्यात अडकलेल्या इसमाचे नाव आहे.
काय आहे नेमकी घटना?
तक्रारदाराला उत्पन्नाचा दाखला हवा असल्याने त्यांनी गडचांदूर येथील ‘त्रिशा ऑनलाईन सर्व्हिसेस’ या सरकारमान्य सेतू केंद्राशी संपर्क साधला होता. या दाखल्यासाठी ६९ रुपये शासकीय शुल्क असताना, सेतू चालक सचिन खैरे यांनी एकूण २०० रुपयांची (म्हणजेच १३१ रुपये अतिरिक्त लाच) मागणी केली. तक्रारदाराची लाच देण्याची इच्छा नसल्याने त्यांनी या प्रकरणी ७ सप्टेंबर २०२६ रोजी लाचलुचपत प्रतिबंधक विभाग (ACB) चंद्रपूर कार्यालय गाठून लेखी तक्रार नोंदवली.
पडताळणी आणि सापळा कारवाई:
प्राप्त तक्रारीनुसार ७ सप्टेंबर रोजी पंचांसमक्ष पडताळणी करण्यात आली. या during दाखला देण्यासाठी शासकीय शुल्कासह १५० रुपये स्वीकारण्याचे आरोपीने मान्य केले. त्यानंतर त्याच दिवशी सापळा रचण्यात आला असून, तक्रारदाराकडून ६९ रुपये शासकीय शुल्क आणि ८१ रुपये लाचेची रक्कम असा एकूण १५० रुपयांचा मक्ता पंचांसमक्ष स्वीकारताना सचिन खैरे यांना रंगेहात ताब्यात घेण्यात आले.
सध्या पोलीस स्टेशन गडचांदूर येथे गुन्हा दाखल करण्याची कायदेशीर प्रक्रिया सुरू असून, गुन्हा नोंद होताच अटकेची कारवाई केली जात आहे.
कारवाई करणारे पथक:
लाचलुचपत प्रतिबंधक विभाग नागपूरचे पोलीस अधीक्षक दिगंबर प्रधान आणि अपर पोलीस अधीक्षक, माधुरी बाविस्कर यांच्या मार्गदर्शनाखाली, चंद्रपूर लाचलुचपत प्रतिबंधक विभागाचे पोलीस उपअधीक्षक अनिल जिटट्टावार यांच्या नेतृत्वात पोलीस निरीक्षक प्रशांत केदार व त्यांच्या पथकाने पो.हवा. हिवराज नेवारे, रविकांत इंगळे, पो.शि. अमोल सिडाम, राकेश जांभुळकर, प्रदिप ताडाम, म.पो.शि. मेघा मोहूर्ले, चा.पो.शि. सतिश सिडाम, आणि चा.पो.शि. संदिप कवरासे ही यशस्वी सापळा कारवाई पार पाडली.