आर्थिक गैरव्यवहार प्रकरणाची माहिती मागवली
चंद्रपूर:- सक्तवसुली संचालनालयाने (ED) खासदार बाळू धानोरकर यांच्या पत्नी आमदार प्रतिभा धानोरकर यांचे बंधू प्रवीण काकडे यांच्याविरुद्ध भद्रावती पोलीस ठाण्यात दाखल झालेल्या आर्थिक गैरव्यवहार प्रकरणाची माहिती मागवली आहे. 'ईडी'चे पथक या प्रकरणाच्या तपासासाठी चंद्रपुरात दाखल होणार आहे.
भद्रावती व आजूबाजूच्या पोलीस ठाण्यात काकडे यांनी आर्थिक गैरव्यवहार केल्याच्या तक्रारी दाखल आहेत. तसेच सक्तवसुली संचालनालयाकडेसुद्धा काकडे यांच्याविरोधात तक्रार दाखल आहे. त्यामुळे सक्तवसुली संचालनालयाचे उपसंचालक संजय बंगारतळे यांनी जिल्हा पोलीस अधीक्षक रवींद्र परदेशी यांना पत्र पाठवून गुन्ह्याबाबतचे दस्तऐवज व 'ईडी'च्या पथकाला आवश्यक ती मदत करण्याच्या सूचना दिल्या आहे. त्यामुळे चंद्रपुरात लवकरच 'ईडी'चे पथक दाखल होणार आहे.
टिप्पणी पोस्ट करा